बलिउड अभिनेता सुनील शेट्टीको एक्सन थ्रिलर सिरिज ‘हन्टर २’ को सुटिङ सुरु

काठमाडौँ– बलिउड अभिनेता सुनील शेट्टीले एक्सन थ्रिलर सिरिज ‘हन्टर २’ को सुटिङ सुरु गरेका छन् । उनले आफ्नो इन्टाग्राममा एक झलक सार्वजनिक गर्दै सुटिङ सुरु गरेको जानकारी दिएका हुन् ।

उनले सिरिजका निर्देशक प्रिन्स धीमानको पोष्टलाई सार्वजनिक गरेका हुन् । सार्वजनिक गरेको सिरिजमा क्याल्पबोर्ड रहेको थियो ।

सिरिजमा अभिनेता सुनीलले एसीपी विक्रम सिन्हाको मुख्य भूमिका निभाएका छन् । यसका साथै सो सिरिजमा इशा देओल, राहुल देव, बरखा विष्ट, मिहिर आहुजा, टीना सिंह, चाहत तेजवानी, करणवीर शर्मा, सिद्धार्थ खेर, गार्गी सावंत र पवन चोपडाको अभिनय रहेको छ ।

आठ भागको सो सिरिजको निर्माण युडली फिल्म्स, सारेगामा इण्डिया लिमिटेडको फिल्म डिभिजनले गरेको हो । फिल्मको निर्देशन प्रिन्स धिमान र आलोक बन्नाले गरेका छन् ।