काठमाडौँ – फिल्म ‘बेहुली फ्रम मेघौली’ को टीजर सार्वजनिक गरिएको छ।
ओएरआर डिजिटल युट्युब च्यानलबाट सार्वजनिक गरिएको २ मिनेट २७ सेकेन्ड लामो टिजरले फिल्मको कथा सङ्केत गर्छ । जसमा मुख्य भूमिकामा रहेकी स्वस्तिमाका लागि बेहुला खोज्न सङ्घर्षलाई प्रस्तुत गरिएको छ ।
बिहेबारे सामाजिक मनोविज्ञानलाई समेत उठाएको टीजर हेर्दा फिल्मको कथा यही विषयवस्तुको वरिपरि घुम्ने बुझ्न गाह्रो छैन ।
फिल्ममा निश्चल र स्वस्तिमासहित विजय बराल, सिम्रन खड्का, आमिर गौतमलगायत कलाकारको पनि अभिनय छ। ब्ल्याकहर्ष प्रिक्चर्स र मेघौली फिल्मसको ब्यानरमा बनेको फिल्ममा शंकर पाण्डे र फिरोज खड्का कार्यकारी निर्माता छन्।
विवाहको कथा भन्ने यो फिल्म दसैँको घटस्थापनाका दिन रिलिज हुनेछ।
यो खबर पढेर तपाईलाई कस्तो महसुस भयो ?
प्रतिक्रिया