थिन्लेलाई युरोपको ‘बोक्कालिनो डिओर’ अवार्ड

काठमाडौँ– अभिनेत्री थिन्ले ल्हामोले फिल्म ‘शाम्बाला’को मुख्य भूमिकाबाट ‘ बोक्कालिनो डिओर’ अवार्ड जितेकी छन् । स्विट्जरल्याण्डको प्रसिद्ध लोकार्नो फिल्म फेस्टिभलमा उनले सो अवार्ड जितेको हो ।

युरोपभरका फिल्म समीक्षकले प्रदान गर्ने यो अवार्ड दक्षिण एसियाली कलाकारमध्ये यो क्रिटिक अवार्ड जित्ने उनी पहिलो हुन् ।

‘शाम्बाला फिल्मको मुुख्य कलाकार थिन्लेले प्रतिष्ठित अवार्ड जितेको घोषणा गर्न पाउँदा हामी निकै रोमाञ्चित र गौरवान्तित भएका छौं’ बोक्कालिनो डिओर अवार्डका अध्यक्ष र निर्देशकले प्रदान गरेको पत्रमा उल्लेख छ ।

‘एक्लै उनले फिल्मलाई काँधमा बोकेको छिन्, यो आधारमा उनलाई महान अभिनेत्री मान्न सकिन्छ । यस्तो एउटा आदिवासी विश्व जहाँ पुरुषले आफूलाई प्रधान ठान्छन्, यसलाई चुनौति दिँदै थिन्ले ल्हामाले महाकाव्यमार्फत आफ्नो स्वतन्त्रता हासिल गर्न सक्षम भएकी छन्’ पत्रमा भनिएको छ ।