मलिका अभिनित फिल्म ‘सतीदेवी’ को गीत सार्वजनिक (भिडियो)

काठमाडौँ– लक्ष्मण सुवेदीको निर्देशनमा तयार भएको फिल्म ‘सतीदेवी’ को गीत सार्वजनिक गरिएको छ । ‘माया बसेको रैछ’ बोलको गीतको भिडियो बुधवार युट्युबमार्फत सार्वजनिक गरिएको हो ।

भदौ ७ गतेदेखि प्रदर्शनमा आउने फिल्म ‘सतीदेवी’ को सार्वजनिक गीतमा सन्दीप बाबु लोहनी र मलिका महतको अभिनय देख्न सकिन्छ । त्यस्तै गीतमा प्रदाप दास र दीपा लामाको स्वर रहेको छ ।

आधुनिक शैलीको यो गीतलाई निर्देशक सुवेदीले नै लेखेका हुन् । यसअघि फिल्मको ट्रेलर र पोस्टर सार्वजनिक गरिएको थियो । फिल्मले रिलिजअघि राम्रो चर्चा बटुलेको छ ।

नारीप्रधान भनिएको यो फिल्ममा मलिका महतको शीर्ष भूमिका छ । यस्तै फिल्ममा मलिकाका अलावा हर्षिका ओली, मञ्जिला बानियाँ, सन्दीप बाबु लोमहनी, रमेश बुढाथोकी, कुल बहादुर अधिकारी, भोला सपकोटा, सिर्जना अधिकारी, सुजिता सिवाकोटी लगायतका कलाकारको अभिनय छ ।

लमजुङ र काठमाडौँमा छायांकन गरिएको फिल्मको लेखन तथा निर्माण लक्ष्मण सुवेदीले नै गरेका हुन् ।