काठमाडौँ– ‘नरसिंहा अवतार’ मार्फत महानायक राजेश हमाल फिल्ममा कमब्याक गर्ने भएका छन् ।
दिवाकर भट्टराईको निर्देशनमा ‘ बन्न लागेको यो फिल्मको निर्माण पक्षले घोषणासँगै बिहीबार थिम पोस्टरसमेत सार्वजनिक गरेको हो।
यो फिल्मबाट नायक राजेश हमालले आठ वर्षपछि कमब्याक गर्न लागेका हुन् । फिल्मका लागि आइतबार हमालले निर्माण पक्षसँग सम्झौता पनि गरिसकेका छन् ।
रातो र नीलो रङ प्रयोग गरिएको पोस्टरले युद्धको संकेत गरेको छ । यसले फिल्मको कथा युद्ध र शान्तिको विषयमा रहेको जनाएको छ ।
साथै पोस्टरमा नरसिंहाको उग्र अवतार छ । नरसिंहा भगवान् विष्णुको उग्र अवतार हो । यो दस अवतारमध्ये चौथो हो । नरसिंहा अवतारमा उनले आधा पुरुषको र आधा सिंहको शरीर धारण गरेका थिए ।
क्रिएटिभ सिने आर्टको प्रस्तुतिमा बन्न लागेको फिल्मको कथा र कलाकारबारे निर्माण पक्षले केही खुलाएको छैन । फिल्मको लगानी तीन करोडभन्दा माथि हुने बताइएको छ ।
यो खबर पढेर तपाईलाई कस्तो महसुस भयो ?
प्रतिक्रिया