‘होस्टेल ३’ बाट फिल्ममा डेब्यु गर्दै ‘माग्ने बुढा’का छोरा आशिष

काठमाडौँ –  निर्माणाधीन नेपाली फिल्म ‘होस्टेल ३’को निर्माण टिमले छायाङ्कन अगावै रिलिज मिति घोषणा गरेको छ । भदौ २१ गते फ्लोरमा जान लागेको यो फिल्म आगामी फागुन १६ गते विश्वभर एकसाथ रिलिज गर्ने निर्णय गरेको निर्देशक सशान कँडेलले बताए ।

यहि फिल्ममार्फत  ‘माग्ने बुढा’को नामबाट परिचित प्रसिद्ध कलाकार केदार घिमिरेका छोरा आशिष मार्फत फिल्ममा डेब्यु गर्ने भएका छ । उनी बाल्यकालमा चर्चित हास्य टेलिशृङ्खला ‘मेरी बास्सै’मा आफ्नै पिता सँग ‘धुन्धुकारि’ नामक छोराको भूमिकामा अभिनय गरेका थिए चर्चित पात्र समेत हुन् । 

जहाँ यसअघि प्रमुख भूमिकामा पारस बम, रिहान गिरी, पदम तामाङ र सिम्रन पन्त अनुबन्धित भइसकेका छन् । यस्तै, ‘होस्टेल ३’मा अर्की कलाकार हेना नगरकोटी पनि अनुबन्धित भएकी छन् । 

हेना थियटर पृष्ठभूमिबाट चलचित्रमा प्रवेश गरेकी हुन्। उनले एक्टर स्टुडियोमा लामो समय नाटक गरेकी छन् भने वेब सिरिजहरू ‘खेल’ र ‘साहु बा’मा पनि अभिनय गरेकी छन्। चलचित्र ‘बाइरोड’मा समेत उनले अभिनय गरेकी छन् । 

होस्टेल ३को लागि माधव शर्माले स्क्रिप्ट लेखेका छन् । यसको कथा भने निर्देशक कँडेलले नै लेखेका हुन् ।  ‘होस्टेल ३’लाई सम्मान इन्टरटेन्मेन्टले आरोन कन फिल्म्ससँगको सहकार्यमा बनाउँदै छ।