सञ्जय दत्त बाल्यकालमा सायरा बानोसँग विवाह गर्न चाहन्थे, दिलीप कुमारकी श्रीमतीले गरिन् रोचक खुलासा

काठमाडौँ – बलिउड अभिनेता सञ्जय दत्त ६५ वर्षका भएका छन् र उनले २९ जुलाईमा आफ्नो जन्मदिन मनाएका छन् । सञ्जय दत्तका सबै फ्यान र शुभचिन्तकहरुले उनलाई जन्मदिनको शुभकामना दिएका छन् ।

यसै क्रममा सञ्जय दत्तको जन्मदिनको अवसरमा दिग्गज अभिनेत्री सायरा बानोले सामाजिक सञ्जाल पोस्टमार्फत उनलाई जन्मदिनको शुभकामना दिएकी छिन्, यसका साथमा एउटा रोचक खुलासा पनि गरेकी छिन् ।

दिवंगत अभिनेता दिलीप कुमारकी पत्नी तथा दिग्गज अभिनेत्री सायरा बानोले आफ्नो सामाजिक सञ्जाल पोस्टमा सञ्जय दत्तको बारेमा एउटा कुरा बताएकी छिन् । सायरा बानोले लेखेकी छिन्, ‘सञ्जय मेरो लागि सधैं परिवार जस्तै थिए । अम्मा जी-अप्पा जीदेखि साहिबसम्मको मेरो सम्पूर्ण परिवार हुन् ।

मलाई अझै याद छ कि, नरगिस आप्पा हाम्रो घरमा समारोहमा आउनुहुन्थ्यो र सञ्जय पनि साथमा हुनुहुन्थ्यो। सञ्जय एकदमै प्यारो र सुन्दर देखिने गर्थे। सञ्जुले मलाई हेरेर भन्थे म सायला बानुसँग बिहे गर्छु । त्यो पल धेरै प्यारो थियो। मलाई लाग्छ शर्मिला र म सञ्जुकाे मनपर्ने मान्छे थिए। धेरै हातले कामलाई सजिलो बनाउँदछ र हामी सबै यस यात्राको हिस्सा हुन पाउँदा खुसी छौं। सञ्जयको सधैं हाम्रो मनमा विशेष स्थान रहनेछ। मेरो माया र आशिर्वाद सधैं साथमा छ र रहनेछ।

सञ्जय दत्तले २९ जुलाईमा आफ्नो ६५ औं जन्मदिन मनाएका थिए । यस विशेष अवसरमा सञ्जय दत्तले आफ्नो लागि लग्जरी बे किनेका छन् । यससँगै सञ्जय दत्तले आफ्ना सबै मायालु फ्यानहरूलाई भेटे। वर्कफ्रन्टको कुरा गर्ने हो भने सञ्जय दत्तका धेरै फिल्म पाइपलाइनमा छन् । सञ्जय दत्त ‘केडी द डेभिल’, ‘घुडछडी’, ‘बाप’, ‘धुरन्धर’, ‘मास्टर–ब्लास्टर’, ‘द गुड महाराजा’, ‘डबल आईस्मार्ट’, ‘हाउसफुल ५’ जस्ता फिल्ममा काम गर्ने छन् ।