प्रदर्शनीको दुई दिनमै हलबाट हटाइयो फिल्म ‘ईश्वर’

काठमाडौँ– फिल्म ‘ईश्वर’ बक्स अफिसमा निकै नै कमजोर देखिएको छ । मल्टिप्लेक्समा कम शोका साथ प्रदर्शनीमा आएको फिल्मको व्यापारसमेत निकै कमजोर छ ।

शुक्रबार मात्रै नेपालभरको हलमा रिलिज भएको फिल्म दुई दिनमै हलबाट शो हटाइएको छ । शो पाएका हलमा पनि दर्शक नभएकै कारण फिल्म हटाइएको छ ।

फिल्मलाई निर्देशक राजु गिरीले निर्देशन गरेका हुन् । फिल्ममा पृथ्वीराज प्रसाईं, अनु शाह, ध्रुव थापा, क्रिष्टी गुरूङ, सुनील थापा, सबिन बास्तोला, माओत्से गुरूङ, बुद्धि तामाङ, रवीन्द्र झा, शिशिर बाङ्देल लगायतको अभिनय छ। प्रेम र बिछोडको कथासँगै पारिवारिक र देशप्रेमको कथा समेटिएकाे फिल्मकाे प्रस्तुतकर्ता लक्ष्मी कुँवर थापा र निर्माता हरिबहादुर थापा हुन्।