काठमाडौँ– गायक तथा सङ्गीतकार नारायण थापाको ‘तिमीलाई नै’ बोलको गीत म्युजिक भिडियोसहित सार्वजनिक भएको छ ।
हालै मात्र सार्वजनिक भएको गीतमा सङ्गीत तथा स्वर गायक थापाको रहेको छ भने गीतको शब्द रचना पत्रकार डब्बु क्षेत्रीले गरेका छन् । गीतमा सङ्गीत संयोजकका रुपमा भने राजेन्द्र बजगाईं छन् ।
यसराज गराच र प्रतिक्षा काफ्लेको अभिनय रहेको गीतको भिडियोमा प्रविन सुवेदीको छायांकन, वीरेन्द्र भाट ‘विपिन’को सम्पादन र निर्देशन पत्रकार क्षेत्रीले नै गरेका छन् ।
दुई दशकदेखि गीतसङ्गीत क्षेत्रमा साधनारत थापाले ‘नघोच यो छाती,’ ‘माया जालैमा,’ ‘आजकलका मुना मदन,’ ‘तिम्रो आकर्षणले,’ ‘जुन मायाको पूजा गरेँ,’ ‘दिलमा आगो’ लगायतका दर्जनाैं लोकप्रिय गीतहरुमा स्वर दिएका छन् ।
म्युजिक भिडियो :
यो खबर पढेर तपाईलाई कस्तो महसुस भयो ?
प्रतिक्रिया