आशान्त शर्माको निर्देशनमा नाटक ‘काँचो धागो’ मञ्चन हुने

काठमाडौँ– रङ्गकर्मी आशान्त शर्माको परिकल्पना तथा निर्देशनमा नाटक ‘काँचो धागो’ मञ्चन हुने भएको छ ।

रङ्गकर्मी मुक्तिको लेखन रहेको नाटक भाद्र ६ गतेदेखि २९ गतेसम्म टेकुस्थित कौसी थिएटरमा मञ्चन हुनेछ । नाटकलाई कथाघेरासँगको सहकार्यमा ‘वेयज प्राइभेट लिमिटेड’ नाट्य समूहले प्रस्तुत गर्न लागेको हो ।

निर्देशक शर्माका अनुसार नाटकको हाल कौसी थिएटरमा रिहर्सल जारी छ । नाटकले व्यक्ति, परिवार जस्ता मानवीय सम्बन्धहरुलाई केलाउने जमर्को गरिएको शर्माले बताए ।

नाटकमा लेखक मुक्तिसँगै कलाकारहरु आयुश्मा मगर, सागर दाहाल, निशान खत्री, रसिक राज, सम्राट भुजेल, पूर्णिमा आचार्य, निष्ठा त्रिपाठी, मिरा खड्का, कविर काफ्कार कृष राईको अभिनय रहनेछ ।