श्वेता त्रिपाठी शर्मा वास्तविक जीवनभन्दा भिन्न पात्रको खोजीमा

मुम्बई– बलिउड अभिनेत्री श्वेता त्रिपाठी शर्मा यतिबेला चर्चामा छिन् । ओटीटी प्लेटफर्म प्राइम भिडियोमा हालै रिलिज भएको ‘मिर्जापुर सिजन ३’ मा उनको कामको निकै प्रशंसा भइरहेको छ ।

उनी आफ्नो वरिपरि यस्ता पात्र र कथाहरू खोजिरहेकी छिन्, जुन उनको वास्तविक जीवनभन्दा पूर्ण रूपमा फरक छन्। मेरो व्यक्तिगत जीवन मिर्जापुरमा मैले खेलेको पात्रभन्दा बिल्कुलै फरक छ । म एक धेरै जीवन्त र खुशी केटी हुँ र सधैं यस्तै रहन चाहन्छु।

श्वेताले कोरोना महामारीपछि दर्शकको रुचिमा धेरै परिवर्तन आएको बताइन् । उनलाई फरक किसिमको सिनेमा मन पर्छ । कलाकार भएको नाताले म ती कथाहरूको हिस्सा बन्न चाहन्छु जसमा नाटक छ, पात्रहरूमा पीडा र क्रोध जस्ता भावनाहरू छन्। म आफ्नो चरित्रलाई पर्दामा बाँच्ने र अनुभव गर्ने प्रयास गर्छु ।

श्वेता त्रिपाठी शर्माले मिर्जापुर वेब सिरिजमा गोलुको भूमिका निभाएकी छिन् । सिरिजमा गोलु आफ्नी बहिनी स्वीटी गुप्ता र प्रेमी बब्लु पण्डितको मृत्युको बदला लिन चाहन्छिन् । कलेन भैया र उनका छोरा मुन्ना त्रिपाठीबाट बदला लिन उनले हतियार उठाउनु पर्छ।

गोलुको चरित्रलाई दर्शकले पहिलो र दोस्रो सिजनमा निकै रुचाएका थिए । अब तेस्रो सिजनमा पनि गोलुको क्यारेक्टरलाई रुचाइएको छ ।