मानिस कहिले पनि सन्तुष्ट हुन सक्दैन भन्ने भनाई छ नि । वास्तवमै मानिस एकपछि अर्को चाहानाहरू बनाउँदै जान्छ । यस्तो शरीरको तौल पनि मानिसको यही व्यवहारसँग मिल्छ ।
कसैलाई मोटो भएर तनाव छ भने कसैलाई दुब्लो भएकोमा दिक्दारी । मोटोपन घटाउन मानिसहरू निकै डाईट गर्ने जिम जाने गर्छन् ।
पछिल्लो समय त दुब्ला मानिसहरू मोटाउनका लागी पनि जिम जाने गर्छन् । यसकारण आज हामी छोटो समयमा सहजै मोटाउन चहानेहरुका लागी केही टिप्सहरू लिएर आएका छौ ।
–मह र दूध दुवैमा भरपुर मात्रामा पोषक तत्त्व हुन्छ । रातमा सुत्नु अघि तातो दूधमा दुई चम्चा मह मिसाएर पिउँदा पनि तौल बढ्छ । साथमा पाचन प्रक्रिया पनि राम्रो हुन्छ ।
–तौल बढाउन नियमित व्यायाम आवश्यक हुन्छ, यसका लागि फिटनेस सेन्टर जान सकिन्छ ।
–ड्राई फ्रुट्समा तपाईँ बदाम, किसमिस, काजु र ओखरको सेवन गर्न सक्नुहुन्छ । यसमा स्वस्थ फ्याट र प्रोटिन हुन्छ, साथमा यसमा अत्यधिक मात्रामा क्यालोरी पनि हुन्छ । यसलाई चार घण्टा पानीमा भिजाएर दूधमा उमालेर पनि खान सकिन्छ । यसले तौल बढ्न थाल्नेछ ।
–तौल बढाउनका लागि सबैभन्दा राम्रो उपाय भनेको उच्च क्यालोरीयुक्त खाना आलु,अण्डा,एभोकाडो,दूध, कुखुराको छातिको मासु,केरा डार्क चकलेटको सेवन गर्न सकिन्छ ।
–बाहिरी जंक फुडहरुको तुलनामा घरको अर्ग्यानिक खानमा जोड दिनु राम्रो हुन्छ ।
–यदि तपाई स्वस्थ तरिकाले तौल बढाउन चाहनुहुन्छ भने बिहानको नास्ता अनिवार्य गर्ने गर्नुहोस् । बिहानको नास्ताले दिनभर ऊर्जावान् बनाइरहन्छ ।
–चिकेन, भात, माछा, अण्डालगायतका बढी प्रोटिन पाइने खाना तौल बढाउनमा सहायक हुन सक्छ ।
–अङ्कुरित खाद्यपदार्थमा राम्रो मात्रामा प्रोटिन पाइने भएकाले यस्ता खानाले पनि तौल बढाउन सक्छ ।
–पनिर, मक्खन, घिउ, तेल तथा तैलीय खानाले मोटाउन सकिन्छ ।
– तौल बढाउन चाहिरहेका व्यक्तिले आफ्नो खानपिनमा सोयाबिनलाई पनि समावेश गराउनुपर्दछ । यसमा भरपुर मात्रामा प्रोटिन हुन्छ । यसले मांसपेशीको विकासमा सहयोग गर्दछ र तौल बढ्न पनि सहायक हुन्छ ।
यो खबर पढेर तपाईलाई कस्तो महसुस भयो ?
प्रतिक्रिया