बिहान उठ्ने बित्तिकैदेखि राती ननिदाउँदासम्म अहिले मानिसले खोज्ने एक मात्र वस्तु हो, मोबाइल । मानिस यति अभ्यस्त भइरहेका छन् कि खाना खाँदा, बाथरुम जाँदा वा काम गर्दा पनि मोबाइलमा चलाउने बानी धेरैलाई परिसकेको छ ।
मोबाइलले केवल सूचना आदानप्रदान वा कुराकानीमा मात्र सघाउ पुर्याउँदैन । यसमा मानिसले महत्त्वपूर्ण डाटा, फोटो तथा अन्य सामाग्रीसमेत राख्न सक्छन् । तर यति महत्त्वको मोबाइल पानीमा खस्यो भने के गर्ने ?
निम्न उपायमार्फत मोबाइल सुरक्षित राख्न सकिन्छ :
क) पानीमा खस्ने बित्तिकै जतिसक्दो चाँडो मोबाइल बाहिर निकालेर सफा नरम कपडाले पुस्ने र फोनलाई खोलेर राख्ने ।
ख) मोबाइलको पछाडिको ढक्कन, बैटरी, सिम कार्ड, मेमोरी कार्ड सबै बाहिर निकाल्ने र सुख्खा कपडाले नरमसँग सफा गर्नुहोस् ।
ग) केहीको अनुभव अनुसार चामलको डब्वामा मोबाइल राख्दा चामलले फोनभित्र रहेको चिस्यानलाई सोस्ने गर्दछ ।
घ) चामल भित्र फोन राखिएको केही समय वा १ दिन पछि यसलाई राम्ररी सफा गर्नुहोस् ।
ङ) सफा गर्दा चार्जर वा हेडफोन लगाउने प्वाल लगायत क्यामेरा भएको क्षेत्रमा कुनै प्रकारको चामलको दाना वा फोहोर भएमा त्यसलाई बाहिर निकाल्नुहोस् ।
च) अब फोनमा सबै कुरा जोडेर अन गर्नुहोस् ।
यो खबर पढेर तपाईलाई कस्तो महसुस भयो ?
प्रतिक्रिया