गीतकार मोहित मर्दन थापाको गीति एल्बम ‘मोहित’को विमोचन

काठमाडौँ– गीतकार मोहित मर्दन थापाको गीति एल्बम ‘मोहित’ विमोचन भएको छ ।

हालै राजधानीमा गीतकार थापाको ज्येष्ठ सुपुत्री आकांक्षा थापा तथा ज्वाईं दिशान्त बिष्टको विवाह प्रीति भोजको अवसरमा थापाले आफ्नो पहिलो गीति एल्बम विमोचन गरेका हुन् ।

गीतकार सङ्घ नेपालका अध्यक्ष बसन्त वित्यासी थापा, उपाध्यक्ष रमेश कोइराला , सम्मानित गीतकार विश्व बल्लभ , राजेन्द्र थापा , बरिस्ठ सङ्गीतकार राजु सिंह, मनोहर सुनाम , बरिस्ठ लोक गायिका तीर्थ कुमारी थापा, चलचित्रकर्मी प्रकाश सायमी लगायतको सहभागितामा एल्बम विमोचन गरेका थिए ।

सो एल्बममा ‘धुवाँ जस्तै उड्छ,’ ‘मोजै गरौंला,’ ‘झरनाको चिसो पानी,’ ‘बिहानीको नौलो,’ ‘गोधुँली साँझमा’ लगायतका गीतहरु समावेश छन् ।

गीतमा मनोहर सुनाम, मदन सिंह, कल्याण सिंह र सुनिल सिंह नेपालीले सङ्गीत दिएका छन् भने उनकै बुवा दीवंगत जगत मर्दन थापा, दिपेश किशोर भट्टराई, सन्जिब सिंह, विश्व नेपाली, सुवानी मोक्तान, प्रताप दास र आयुष्मान बिष्टले स्वर दिएका छन् ।
एल्बमका केही गीतका भिडियोहका कामहरु हुने क्रममा छन् ।

गीतहरु बेष्ट टोन म्युजिक युटुब च्यानल मार्फत सुन्न अनि भिडियो हेर्न सकिन्छ । एल्बम भकारी म्युजिक डेभलपमेन्ट कम्पनीले उत्पादन तथा वितरण गरेको हो ।