कवि जुनू रानाको प्रथम कविताकृति ‘रातो नदी’ विमोचित

काठमाडौँ– कवि जुनू रानाको प्रथम कविताकृति ‘रातो नदी’ विमोचन गरिएको हो । शनिबार काठमाडौँको मण्डला थिएटरमा एक कार्यक्रमको आयोजना गरी सो कविताकृति विमोचन गरेको हो ।

करिब साढे एक दशकदेखि हङकङलाई कर्मथलो बनाउँदै आएकी बागलुङकी कवि रानाको नेपाल प्रज्ञा–प्रतिष्ठानका पूर्वकुलपति, वरिष्ठकवि तथा मुन्धुमविद् बैरागी काइँलाले विमोचन गरेका थिए ।

प्रमुख अतिथि काइलाले कविताकृतीमा सबथोक रहेको बताए । विषयवस्तुहरू ओजिला, संरचना, विम्ब, प्रतीक र अलङ्कारको प्रयोग बढो राम्रो र कविले फारो गरेर शब्द चलाएको उनको भनाइ छ ।