‘कल्की’को पहिलो दिनको कमाइ कति ?

काठमाडौँ – हिजोबाट प्रदर्शनमा आएको बहुप्रतीक्षित भारतीय फिल्म  ‘कल्की २८९८ एडी’ले रिलिज कै दिन करिब ११५ करोड भारु कमाएको छ । 

भारतीय सिनेमाको तेस्रो ठुलो ओपनर बनेको यो फिल्मले हिन्दी, तमिल, तेलुगु, कन्नड र मलायालम भाषामा भारतमा करिब ९५ करोड भारु कमाएको हो । 

स्याकनिल्कमा छापिएको खबरअनुसार भारतीय बक्स अफिसमा यसले कुल ११५ करोड भारुको जति कलेक्सन गरेको छ । फिल्मले विश्वभर भने ६५ करोड भारु कमायो । यसरी प्रभासको फिल्मले ओपनिङ डेमै १८० करोड भारु कमाएर कीर्तिमान बनाएको छ ।

नाग अश्विन निर्देशित फिल्ममा प्रभास, अमिताभ बच्चन, दीपिका पादुकोण र कमल हसनको अभिनय छ भने समीक्षकहरुको प्रतिक्रिया समेत सकारात्मक छ । त्यस्तै दर्शकले पनि कलाकारहरूको अभिनयको तारिफ गरिरहेका छन् ।