के दैनिक धेरै दूध सेवन गर्दा स्वस्थकर बनिन्छ ? धेरै दूधको सेवन स्वास्थ्यको लागि बेफाइदा

काठमाडौँ– दूधलाई सधैँ एक पौष्टिक आहारको रुपमा लिने गरिन्छ । यसको सेवन विना स्वस्थ खानपान नहुने जस्तो लाग्छ । खासमा बच्चाहरुको शारीरिक विकास र वृद्धिको लागि दूधलाई अनिवार्य मानिन्छ । तर कुनै पनि वस्तुलाई सीमित मात्रामा लिँदा मात्रै राम्रो मानिन्छ । अनि मात्रै यसको फाइदा लिन सकिन्छ । आवश्यकताभन्दा बढी प्रयोग गर्दा फाइदाभन्दा पनि नोक्सान गर्छ ।

केही व्यक्ति शारीरिक विकासको लागि दूध भरपुर मात्राको रुपमा लिने गर्दछ । तर यो पूर्ण रुपमा सत्य होइन । दूधमा सबै कुरा हुने सत्य हो । तर यसलाई पनि सीमित रुपमा मात्रै पिउनु पर्छ । रुघा खोकी, अपच, झाडापखाला, छालासम्बन्धी रोगलगायत विभिन्न समस्या हुँदा दूध पिउनु नै हुँदैन । यसका साथै दूधबाट एलर्जी हुने व्यक्तिले पनि पिउनु हुँदैन । आउनुस् हामी तपाईलाई दूध पिउनुका फाइदाबारे जानकारी दिन्छौँ ।

दूध कति पिउने ?
एक स्वस्थ व्यक्तिले नियमित रुपमा दूध पिउनु पर्छ । यसमा हुने क्याल्सियम, भिटामिन बी १२ भिटामिन डी, क्यालोरी, पोटासियम, प्रोटिन र स्वस्थ फ्याटले शरीरको लागि आवश्यक पोषण दिने गर्दछ । युनाइटेट स्टेट्सको नेशनल डाइटरी गाइडलाइन्सका अनुसार एक वयस्क व्यक्तिको लागि प्रतिदिन तीन कप (७५०मिलिलिटर) दूध पिउनु पर्छ । र बच्चाहरुले दैनिक साढे दुई कप दूध पर्याप्य हुन्छ ।

तर व्यक्तिको शारीरिक अवस्थाको आधारमा यो घटबढ हुन सक्छ । दैनिक ५०० मिलिलिटर दूध पिउँदा पनि शरीरको लागि क्याल्सियम र भिटामिन डीको आवश्यक मात्रा पुरा गर्छ ।

धेरै दूधको सेवन स्वास्थ्यको लागि बेफाइदा
स्वीडेनमा भएको एक अनुसन्धानका अनुसार तीन कपभन्दा बढी दूध पिउँदा हिप फ्याक्चर, हड्डी सम्बन्धी समस्या मात्रै नभई मृत्यु पनि हुन सक्छ । बच्चाहरुलाई धेरै दूध पिउँदा क्यालोरी मात्रा धेरै हुन्छ । यसले गर्दा बच्चाहरु खानामा रुची देखाउँदैनन् ।
दूध धेरै हुँदा आइरनको मात्रा बढ्छ । यसमा फेरिटिन नामक आइरन हुने गर्छ । यसले आइरन डिफिशिंएसी एनिमिया हुने सम्भावना बढ्छ ।

स्वादयुक्त दूध कत्तिको सुरक्षित ?
आफ्नो आहारमा सामान्य दूधको तुलनामा स्वादयुक्त दूधको मात्रा कम राख्नुहोस् । किनभने स्वाद बढाउने क्रममा यसको पौष्टिक मूल्यमा कमी आउँछ। साथै, बदामको दूध, सोया दूध जस्ता अन्य दूध विकल्पहरू लिनु अघि, कृपया आफ्नो आहारविद्सँग तिनीहरूको सीमित मात्रामा छलफल गर्नुहोस्।