बक्स अफिसमा तेस्रो दिन ‘चान्दु च्याम्पियन’ले कति कमायो ?

काठमाडौँ – बलिउड अभिनेता कार्तिक आर्यनको फिल्म चन्दु च्याम्पियनले दुई दिनमा राम्रो कमाई गरेको छ । योसँगै तेस्रो दिनको सङ्कलनको प्रारम्भिक तथ्याङ्क पनि सार्वजनिक भएको छ ।

कार्तिक आर्यन यतिबेला फिल्म ‘चन्दु च्याम्पियन’ मार्फत आफ्ना फ्यानहरुलाई मनोरञ्जन दिइरहेका छन् । यसमा मुरलीकान्त पेटकरको भूमिकामा देखिएका कार्तिकले फ्यानबाट निकै माया पाइरहेका छन् । अभिनेताको फिल्मले बक्स अफिसमा राम्रो कमाई गरिरहेको छ ।

चन्दु च्याम्पियनले बक्स अफिसमा राम्रो कमाई गरेको छ । तेस्रो दिन (आइतबार, जुन १६) रिपोर्ट अनुसार साँझ ५ः३० बजेसम्म फिल्मले ५.२१ करोड कमाएको छ । यो गति यस्तै रह्यो भने फिल्मले आइतबार बक्स अफिसमा करिब १० करोड कलेक्सन गर्न सक्छ ।

कार्तिक आर्यन र कबिर खान अभिनित फिल्म ‘चन्दु च्याम्पियन’ को आज तेस्रो दिन हलमा परेको छ । तेस्रो दिनको कुल आम्दानीको तथ्यांक आउन बाँकी छ । तर, तेस्रो दिनको अहिलेसम्मको कलेक्शन हेर्दा फिल्मले आइतबार बक्स अफिसमा उत्कृष्ट प्रदर्शन गर्ने अपेक्षा गरिएको छ ।

कार्तिक आर्यनको यो फिल्मले पहिलो दिन बक्स अफिसमा सुस्त सुरुवात गरेको थियो । तर, शनिबार र अब आइतबार फिल्मको कमाई बढेको छ । चन्दु च्याम्पियनले पहिलो दिन ५ करोड ४० लाख कमाएको थियो । दोस्रो दिन यसको बक्स अफिस कलेक्सन ७.७० करोड थियो । तेस्रो दिनको कलेक्सनपछि फिल्मको तीन दिनमा कुल कलेक्सन १८ करोड ३१ लाख नाघेको छ ।

यो कथा भारतलाई पहिलो प्यारालम्पिक स्वर्ण पदक जित्ने मुरलीकान्त पेटकरको हो। सन् १९६५ को युद्धमा मुरलीकान्तको पूरै शरीरमा ९ वटा गोली लागेको थियो । उनी कोमामा पनि बसे । कार्तिक आर्यनले आफ्नो पीडा र संघर्षले भरिएको यात्रालाई पर्दामा ल्याएका छन् ।

यो स्पोर्ट्स ड्रामा फिल्मलाई कबिर खानले निर्देशन गरेका हुन् । यसको निर्माता साजिद नाडियाडवाला हुन्। यस फिल्ममा कार्तिक बाहेक राजपाल यादव, विजय राज र यशपाल शर्माले पनि काम गरेका छन् ।