एक्सले हटायो लाइक ट्याब, कारण यस्तो

काठमाडौँ – सामाजिक सञ्जाल एक्सले लाइक ट्याब हटाएको छ । योसंगै अब तपाईले कुन पोस्ट लाईक गर्नुभएको छ भन्ने अरुले थाहा पाउने छैनन् । 

प्रयोगकर्ताको गोपनीयताका लागि भन्दै कम्पनीले यस्तो फिचर डिफल्ट रूपमा शुरु गर्नुपूर्व कुनै पनि प्रयोगकर्ताले कुन पोस्ट लाइक गरेको छ भन्ने हेर्न सकिन्थ्यो । 

अर्थात् तपाईंले कुनै पोस्ट लाइक गर्नुभयो र आफ्नो प्रोफाइलमा रहेको ‘लाइक्स’ ट्याबमा जानुभयो भने सबै लाइक गरिएका पोस्ट देखिन्थे । 

यसबारे जानकारी दिएको पोस्ट एक्सका मालिक एनल मस्कले शेयर गरेका छन् । जसमा व्यक्तिगत गोपनीयतालाई बलियो बनाउन यो सुविधा ल्याइएको भन्दै अब तपाईँलाई मन पर्ने तर अरूलाई मन नपर्ने पोस्ट समेत हेर्न सकिने उल्लेख छ । 

यो फिचर यसअघि कम्पनीले प्रिमियम प्रयोगकर्तालाई मात्र उपलब्ध गराएको थियो । तर, बुधबारदेखि भने नयाँ अपडेट इन्स्टल गर्ने सबै प्रयोगकर्ताले यो फिचर प्रयोग गर्न पाएका छन् ।