काठमाडौँ– बलिउड अभिनेत्री सोनाक्षी सिन्हाले आगामी २३ जुनमा विवाह गर्दैछिन् । उनको विवाहलाई लिएर केही दिन अघि मात्रै एउटा खुलासा भएको छ । भारतीय सञ्चार माध्यमको अनुसार उनले रजिस्टार कार्यालयमा गएर मात्रै विवाह गने भएकी छिन् । उनले प्रेमी जहीर इकबालसँग विवाह गर्न लागेकी हुन् ।
सोनाक्षीले केही समय पहिले मात्रै प्रेमीसँग परिवारका सदस्य तथा केही साथीहरुको उपस्थितीमा अन्तरंग विवाह गरेकी थिइन् । फेरी उनी कोर्ट विवाह मात्रै गर्ने जनाएकी छिन् । साथै २३ जुनमा उनका साथी र परिवारको लागि मात्रै रिसेप्सन राखिएको छ ।
रजिस्टारमा विवाह गर्दै
उनकी एक जना नजिकको साथीले भनेकी छिन्, ‘मलाई २३ जुनको लागि विवाह समारोहका लागि निमन्त्रणा आएको छ । तर उसले वास्तविक विवाहको बारेमा केही बताएका छैनन् । साथीहरुले उसको यो जोडीको विवाह २३ जुन विवाह गर्दै छन् । तर कुनै भव्य सेलिब्रेसन हुने छैन । एउटा सामान्य पार्टी मात्रै हुनेछ ।
को को छन् गेष्ट
सोनाक्षीको विवाहको खबर नेटफ्लिक्स सिरिज ‘हीरामण्डीः द डायमण्ड बजार’ को प्रदर्शनीको एक महिनापछि आएको हो । यस सिरिजमा उनले फरिदनको किरदारको रुपमा भूमिका निभाएकी छिन् ।
उसो त सेलिब्रेशनको बारेमा आधिकारिक पुष्टि त हुन सकेको छैन । तर सोनाक्षीको परिवारको सुत्रका अनुसार विवाहको खबर सत्य हो ।
विवाहमा सहभागी हुने पाहुनाको विषयमा धेरै उत्सुक छन् । उनको विवाहमा अभिनेता सलमान खानसँगै ‘हीरामण्डी’ को पुरै कलाकारको सहभागिता हुने छ । यसका साथै आयुष शर्मा, हुमा कुरैशी र बरुण शर्माको नाम धेरै चर्चा भइरहेको छ ।
सोनाक्षी र प्रेमी जहीर इकबालको भेट सलमान खानको एउटा पार्टीमा भएको थियो । दुबैले सन् २०२२ मा फिल्म ‘डबल एक्सल’ मा काम गरेका थिए । तर सोनाक्षी र जहीरको तर्फबाट कसैले पनि विवाहबारे आधिकारिक जानकारी दिएको छैन ।
यो खबर पढेर तपाईलाई कस्तो महसुस भयो ?
प्रतिक्रिया