काठमाडौँ– स्टाइलिस अभिनेता भनिने दक्षिण भारतीय फिल्म उद्योगमा निकै रुचाइएका अभिनेतामध्येका एक हुन्, अल्लु अर्जुन । उनका फ्यान भारतमा मात्र नभएर विश्वभर नै छरिएका छन् ।
यतिबेला उनको फिल्म ‘पुष्पा २’ को चारैतिर चर्चा छ । सो फिल्मको अघिल्लो भाग सन् २०२१ मा प्रदर्शनमा आएको थियो । फिल्मको क्रेज यति बढ्यो कि, यसले बक्स अफिसमा धमाका मच्चाएको थियो ।
‘पुष्पा २’ प्रदर्शनमा आउन अझै केही महिना बाँकी भए पनि निर्माण टिमले सार्वजनिक गरेका फिल्मका पोस्टर र टिजरले दर्शकको ध्यान खिचेका छन् ।
‘पुष्पा’ सिरिज मात्र होइन, अल्लु अर्जुनका अन्य फिल्महरू पनि प्रदर्शन हुँदैछन् । र, ती फिल्मको दर्शकलाई लामो समयदेखि प्रतीक्षा छ ।
बक्स अफिसमा कुनै पनि कलाकारले हिट फिल्म दिँदैमा सधै हिट नै हुन्छ भन्ने त छैन । तर अल्लु अर्जुनले भने एकपछि अर्को ‘हिट’ फिल्म दिइरहेका छन् । उनको लोकप्रियता दिनानुदिन बढ्दो छ ।
आखिर उनका कुन कुन फिल्मको दर्शकलाई व्यापक प्रतीक्षा छ त ? जानौँ ।
‘पुष्पा २’ पछि अल्लु अर्जुनको फिल्म ‘आइकन’ मार्फत पर्दामा देखिँदैछन् । यो फिल्मको पनि दर्शकलाई लामो समयदेखि प्रतीक्षा छ । उक्त फिल्ममा भारतीय अभिनेत्री पूजा हेगडे र कृति सेट्टीले समेत अभिनय गर्ने जनाइएको छ ।
विवादित तर व्यावसायिक हिसाबले सफल फिल्म ‘एनिमल’ र ‘कबिर सिंह’ का निर्देशक सन्दीप रेड्डी वाङगाले अल्लुसँग काम गर्ने भएका छन् । उनीहरुको सहकार्यमा पप गायक ‘माइकल ज्याक्सन’को बायोपिक फिल्म समेत बन्ने भएको छ ।
यस्तै अर्का दक्षिण भारतीय सिने जगतका सफल अभिनेता तथा निर्माता दुल्करले पनि अल्लुको साथमा काम गर्ने भएका छन् ।
अभिनेता शाहरुख खानको चर्चित फिल्म ‘जवान’ का निर्देशक एट्लीले पनि आफ्नो आगामी फिल्ममा अर्जुनसँग काम गर्ने इच्छा रहेको बताएका छन् । साउथ फिल्म क्षेत्रमा ‘केजीएफ’ जस्ता हिट फिल्म दिइसकेका निर्देशक प्रशान्त नीलको आगामी परियोजना अल्लुसँग हुने चर्चा फिल्मी क्षेत्रमा भइरहेको छ।
यसै गरी पटकथा तथा निर्देशक कोर्टला सिवाद्घारा निर्माण भइरहेको चलचित्र ‘एए २१’ मा अल्लुको अभिनय देख्न पाइनेछ । त्यस्तै दक्षिण भारतीय फिल्म निर्देशक त्रिविक्रम श्रीनिवासन र अल्लु पनि एकसाथ काम गर्न लागेको खबर बाहिरिएको छ ।
यो खबर पढेर तपाईलाई कस्तो महसुस भयो ?
प्रतिक्रिया