अग्लो सिरानी बनाएर सुत्नु हानिकारक, हुनसक्छ यी खतरा

जब हामीले सिरानी राखेर सुत्ने गर्छौँ, तब हाम्रो शरीरमा धेरै फरक पर्छ । सिरानी राखेर सुत्दा मानव शरीरले पूर्ण रूपमा काम गर्न नपाउने र तनाव व्यवस्थापन गर्न समेत गाह्रो हुने विभिन्न रिपोर्टहरूले देखाएका छन् । तर धेरै अग्लो सिरानी लगाएर सुत्नु नोक्सान दायक पनि हुन सक्छ ।  

टाउको दुख्ने र माइग्रेन
अग्लो सिरानीमा सुत्दा टाउको दुख्ने र माइग्रेनको समेत समस्या हुन्छ ।  सिरानीको अनुचित पोजिशनले गर्दा टाउको दुख्ने सम्भावना बढ्छ ।

तनाव हट्दैन
हामी दिनभरिको थकानका कारण रातिको समयमा आराम गर्ने गर्छौँ । त्यो अवस्थामा अग्लो सिरानी राख्दा तनाव हट्न सक्दैन । यसले गर्दा हाम्रो शरीरको तनाव पनि हड्डीतिर सर्न थाल्छ । एक हिसाबले भन्ने हो भने अग्लो सिरानीका कारण हाम्रो तनाव र थकान राम्रोसँग सञ्चार भएर बाहिर निस्किन पाउँदैन ।

तनाव बढी हुन थालेपछि शरीरको थकान पनि मेटिँदैन । यसले हाम्रो दैनिकीलाई नै असर पार्न थाल्छ । यसको असर रिँगटा लाग्ने, केही सेकेन्डका लागि चक्कर आउने, टाउको भारी हुने, सोच्ने तरिकामा समेत समस्या पर्ने हुन्छ ।

गर्दन दुख्नु
अग्लो सिरानीको प्रयोगले गर्दनमा असह्य पीडा हुन्छ । लामो समयसम्म अग्लो सिरानीमा सुत्नाले गर्दनको मांसपेशीमा तनाव बढ्छ ।

मानसिक स्वास्थ्यमा असर
अग्लो सिरानीको प्रयोगले मानसिक स्वास्थ्यमा समेत असर पार्न सक्छ । अस्पतालमा पनि डाक्टरले अपरेसन गर्दा कुनै सिरानीको प्रयोग नगर्ने गरेको पाइन्छ । यद्यपि, कसैलाई अग्लो सिरानीमा सुत्दा कुनै पनि प्रकारको समस्या भइरहेको छ भने डाक्टरसँग सम्पर्क गर्नुपर्छ ।