‘किंग’ मा ‘डन’ अवतारमा देखिँदै शाहरुख !

काठमाडौँ – गएको वर्ष वक्सअफिसमा ब्लकबष्टर फिल्म दिएर अहिले फुर्सदमा रहेका बलिउड अभिनेता शाहरुख खान ‘किग’ मा देखिने चर्चा छ । 

शाहरुखले आफ्नै छोरीसँग एउटा फिल्ममा काम गर्ने खबरकाबीच सुजोय घोषको निर्देशनमा बन्न लागेको यो फिल्मको नाम किंग बताइएको छ ।

जसबारे शाहरुखले कुनै औपचारिक जानकारी नदिए पनि हिन्ट भने दिएको चर्चा छ । उनको एक फ्यान क्लबले सामाजिक सञ्जाल एक्समा नयाँ भिडियो शेयर गरेको छ । यसमा उनी असोका फिल्मका निर्देशक सन्तोष सिवानको प्रशंसा गरिरहेका छन् ।

सो भिडियोमा शाहरुख बसेको सोफाको नजिकमा एउटा स्पाइरल बुक राखिएको छ । यसमा ‘किंग’ लेखिएको छ । जसलाई शाहरुखले अप्रत्यक्ष रूपमा किंगमा काम गरिरहेको संकेतका रूपमा अड्कल गरिएको छ । 

किंग हलिउडको क्लासिक फिल्म ‘लियोनः द प्रोफेशन’मा आधारित हुने बताइएको छ । पठान रिलिज हुनु अघि नै शाहरुखले यो फिल्मको नाम लिएका थिए ।

आफूले ‘लियोनः द प्रोफेशनल’ जस्तै फिल्ममा काम गर्न चाहेको उनको भनाई थियो । जहाँ उनी डन अवतारमा देखिने समेत चर्चा छ ।