काठमाडौँ– फिल्म ‘पूर्ण बहादुरको सारंगी’ मा अभिनेत्री अन्जना बराइली मुख्य भूमिकामा देखिने भएकी छिन् । उनी सो फिल्मममा अनुबन्धित भएसँगै मुख्य भूमिकामा देखा पर्ने भएकी हुन् । निर्माण टिमले एक पोस्टर सेयर गर्दै बराइली फिल्ममा मुख्य भूमिकाको लागि जोडिने जनाएको छ ।
अन्तर्राष्ट्रिय वितरण कम्पनी सेभेन सिज इन्टरटेनमेन्टले निर्माण गर्न लागेको यो फिल्ममा यसअघि गायक तथा कलाकार प्रकाश सपुत, मुकुन भुषाल, विनोद न्यौपाने, भोला राज सापकोटा र देशभक्त खनाल अनुबन्धित भइसकेका छ्न।
सोसल–ड्रामा बन्ने फिल्मका लेखन तथा निर्देशन सरोज पौडेल हुन्। यो फिल्मको प्रदर्शन मिति आउँदो वर्षलाई तोकिएको छ। फिल्ममा विनोद पौडेल र प्याट्रिक सुवेदीको लगानी रहनेछ। यस फिल्मको सुटिङ जेठको २१ गतेबाट सुरु हुनेछ।
रमेश चौलागाईं र हरि श्रेष्ठ फिल्मका कार्यकारी निर्माता हुन्। महेश दवाडीको पटकथा तथा संवाद रहन फिल्ममा प्रशान्त सिवाकोटीको संगीत रहने छ।
यो खबर पढेर तपाईलाई कस्तो महसुस भयो ?
प्रतिक्रिया