अजय देवगनको रेड २ को रिलिज मिति परिवर्तन

काठमाडाैँ – बलिउड अभिनेता अजय देवगनको आगामी फिल्म ‘रेड-२’ को रिलिज मिति परिवर्तन भएको छ। अब फिल्म ‘रेड-२’ नयाँ मितिमा रिलिज हुनेछ । नयाँ पोस्टरसँगै निर्माताले यो जानकारी दिएका छन् ।

अजयको फिल्म ‘रेड २’ यसै वर्ष नोभेम्बर १५ मा रिलिज हुने थियो । यो चलचित्रलाई राजकुमार गुप्ताले निर्देशन गर्दैछन् । फिल्ममा वाणी कपुर र रितेश देशमुखको पनि अभिनय रहेको छ । अब अर्को वर्ष रिलिज हुनेछ ।

फिल्मको नयाँ पोस्टर सेयर गरेर निर्माण पक्षले यो जानकारी दिएको छ । फिल्म अब यो शिवरात्रीको अवसरमा २६ फेब्रुअरी २०२५ मा रिलिज हुनेछ । ‘सिंघम अगेन’ पछि अजय देवगनले रिलिज डेट परिवर्तन गरेको यो दोस्रो चलचित्र हो । ‘सिंघम अगेन’ अब दीपावलीमा १५ नोभेम्बरमा रिलिज हुँदैछ ।

‘रेड–२’ यही मितिमा रिलिज हुने थियो । ‘रेड–२’ को कुरा गर्ने हो भने यो सन् २०१८ को सोही नामको फिल्मको सिक्वेल हो । यसमा अजय देवगनले आईआरएस अफिसरको भूमिका निभाएका थिए । जसलाई दर्शकले निकै प्रशंसा गरेका थिए ।

अजय देवगनको आगामी फिल्महरु

रेड-२ बाहेक अजय देवगनसँग सिंघम अगेन र ‘औरों मे कहाँ दम था’ जस्ता फिल्महरू छन्। जुन आगामी दिनमा रिलिज हुनेछ । अजय देवगन अभिनेत्री तब्बुसँग ‘औरों मे कहाँ दम था’ मा देखिनेछन् । यो फिल्म ५ जुलाई २०२५ मा रिलिज हुनेछ।