काठमाडाैँ – हालै ‘हिरामाण्डी’का अभिनेत्रीहरु कपिल शर्माको शो ‘द ग्रेट इन्डियन कपिल शो’ मा पुगेका थिए । कपिल शर्माको शोमा हिरामण्डीका सुन्दरीहरु खुब हाँसे । सो क्रममा कपिल शर्माले सोनाक्षी सिन्हालाई बिहे कहिले गर्ने भनेर सोधेका थिए ।
यस्तो अवस्थामा सोनाक्षीले ‘हिरामाण्डी’ को सुटिङका क्रममा कसरी आफ्ना सह–कलाकारले विवाह गरेकाे र एउटी अभिनेत्री गर्भवती समेत भएकाे बताइन्, तर साे मा उनी अझै पनि कुमारी नै रहेकाे बताएकी छन् ।
कपिलले सोनाक्षीलाई सोधे- ‘आलियाले बिहे गरिन्, कियाराले पनि बिहे गरिन् । कहिले गर्छौ, सोनाक्षीले भनिन्– ‘तिमीले घाउमा नुन छर्किरहेका छौ, तिमीलाई थाहा छ मलाई बिहे गर्ने मन कत्तिको बलियो छ ।
अभिनेत्रीले थप भनिन्, ‘हामीले हिरामण्डीको छायांकन पूरा गरिसकेका छौं र मैले अझै विवाह गरेको छैन । शर्मिनले पनि बिहे गरिसकेकी छिन् । यसपछि मनिषा कोइरालाले तुरुन्तै औंल्याउछिन् र भनिन्- ‘अनि ऋचा, बिहे गरेर गर्भवती पनि भइन्।’
वास्तवमा, निर्देशक सञ्जय लीला भन्सालीले अप्रिल २०२१ मा ‘हिरामाण्डी’ को आधिकारिक घोषणा गरेका थिए। जुन २०२२ मा यसको सुटिङ सुरु भएको थियो । ऋचा चड्डाले अक्टोबर २०२२ मा अभिनेता अली फजलसँग विवाह गरे र अब यो जोडीले आफ्नो पहिलो सन्तानलाई पनि स्वागत गर्ने भएको छ ।
‘हिरामाण्डी’ मा आलमजेबको भूमिका निर्वाह गरेकी अभिनेत्री शर्मिन सहगलले नोभेम्बर २०२३ मा अमन मेहतासँग विवाह गरेकी थिइन् ।
यसबाहेक ‘हिरामाण्डी’ को ट्रेलर ९ अप्रिल २०२४ मा रिलिज हुने थियो र त्यसअघि अदिति राव हैदरीले आफ्नो लामो समयदेखिका प्रेमी सिद्धार्थसँग मन्दिरमा विवाह गरेको खबर आएको थियो । यद्यपि यो जोडीले यसको आधिकारिक घोषणा भने गरेको छैन ।
सोनाक्षी सिन्हाको बारेमा कुरा गर्दा, उनी अभिनेता जहीर इकबालसँग डेटिङ गरेको खबर छ । यद्यपी यो जोडीले कहिले बिहे गर्ने भन्ने बारे कुनै जानकारी आएको छैन ।
यो खबर पढेर तपाईलाई कस्तो महसुस भयो ?
प्रतिक्रिया