काठमाडौं– अभिनेता निखिल उप्रेतीलाई नचिन्ने नेपाली फिल्मका दर्शक कमै छन् । एक्सन स्टार भनेर चिनिने अभिनेता उप्रेती लामो समयदेखि पर्दामा देखिएका छैनन् ।
फिल्म ‘पिँजडा’ मा हलमा रिलिज हुँदा उनको क्रेज बाक्लो थियो । धरहराबाट सात तलामाथि बाट हाम फालेको भनेर चर्चा बटुलेका यी अभिनेताको एक्सनलाई दर्शकले औधी रुचाए ।
अहिले भने निखिल कामविहीन भएका छन् । उनी अहिले फिल्ममा भन्दा बढी अध्यात्ममा रमाएका छन् । बेलाबेलामा फिल्म बनाउने भनेर घोषणा गरे पनि ती फिल्म घोषणामा मात्र सीमित भएका छन् ।
केही समयअघि पनि उनले एक फिल्म निर्देशन गर्ने घोषणा गरेका थिए । त्यसो त केही समयअघि मात्र एआईको सहयोगमा सुपरहिरोको फिल्म बनाउने चर्चा पनि चलेको थियो ।
एक दशकसम्म एकपछि अर्को हिट फिल्म दिएका निखिललाई यतिबेला भने दर्शकले बिर्सिसकेका छन् ।
अहिले पनि निखिलले कुनै दमदार फिल्म ल्याए हुन्थ्यो भनेर दर्शकको प्रतीक्षा त छ तर निखिलले फिल्म ल्याउने त त्यस्तै हो घोषणा गरेर भए पनि चित्त बुझाइरहेका छन् ।
यो खबर पढेर तपाईलाई कस्तो महसुस भयो ?
प्रतिक्रिया