काठमाडौँ – चर्चित चिनियाँ अभिनेतृ डायना पेंगसहितको टोली यतिबेला नेपाल भ्रमणमा छ ।
सिल्करोड इन्टरनेसनल कोअपरेसन अर्गनाइजेसन (सिको)को निम्तोमा नेपाल आएको टोलीले फिल्मसहितका सम्भावित लगानीको क्षेत्रबारे अध्ययन गर्ने बताइएको छ ।
फिल्म निर्माणमा समेत संयुक्त लगानीमा सहकार्य गर्न पेंगले रुचि देखाइएकी छिन् भने यो टोलीले प्रधानमन्त्रीका सल्लाहकारहरू, लगानी बोर्डका अधिकारी,चलचित्र विकास बोर्डका अध्यक्ष भुवन केसीलाई भेटेर सम्भावित लगानीबारे छलफल गरेको छ ।
व्यवसायी समेत रहेकी अभिनेतृ पेंगले नेपालको ऊर्जा र फोहोर व्यवस्थापनमा समेत चासो देखाएकी छन् ।
पेंगले ६० भन्दा बढी चिनियाँ फिल्म र टेलिभिजन सिरिजमा अभिनय गरेकी छन् । बुधबार काठमाडौँ आइपुगेको टोली शनिबार राती स्वदेश फर्कने कार्यक्रम छ ।
यो खबर पढेर तपाईलाई कस्तो महसुस भयो ?
प्रतिक्रिया