सुपरहिट फिल्मबाट डेब्यु गरे तर एउटा अफवाहले करियर बर्बाद गरिदियो

काठमाडाैँ – बलिउडमा हिरो-हिरोइन बन्ने सपना लिएर मुम्बईमा दिनहुँ कति युवाहरू आउँछन् । तर, यो सपना पूरा गर्न र सिल्भर स्क्रिनमा चर्चित बन्न सक्ने केही व्यक्ति मात्रै छन् । एक अभिनेता, जसको डेब्यू फिल्म सुपर डुपर हिट भएको थियो । तर, त्यसपछि अचानक इन्डस्ट्रीबाट गायब भएका यी अभिनेता आज गुमनाम जीवन बिताइरहेका छन् ।

सन् २००२ मा आफ्नो पहिलो फिल्मबाट बलिउडमा धुम मच्चाउने नकुल कपूर हुन । तर, सुरुवाती सफलताका बाबजुद पनि उनले अभिनयलाई अलविदा भनेका थिए । नकुल कपुरले म्युजिक भिडियो ‘हो गई है मोहब्बत तुमसे’ बाट आफ्नो करियर सुरु गरेका थिए । यसपछि उनले सन् २००१ मा फिल्म ‘आजा मेरे यार’ मा काम गरे तर २००२ मा फिल्म ‘तुम से अच्छा कौन है’ मा काम गरेपछि नकुल कपूर चर्चामा आए ।

मिडिया रिपोर्टका अनुसार नकुल कपूरले फिल्म ‘तुम से अच्छा कौन है’ बाट धेरै लोकप्रियता कमाए। उनलाई बलिउडका तीन खान सलमान खान, शाहरुख खान र आमिर खानपछिको अर्को सुपरस्टार पनि भनिन्छ । तर, नकुल कपूरसँग केही अन्य योजनाहरू थिए र त्यसपछि उनी अचानक ग्लिज र ग्लैमरको दुनियाबाट गायब भए।

नकुल अचानक इन्डस्ट्रीबाट गायब भएपछि सबै छक्क परेका थिए । त्यसपछि केही सञ्चारमाध्यमले नकुलको सडक दुर्घटनामा मृत्यु भएको दाबी गरेका थिए भने कतिपयले बिरामीकै कारण मृत्यु भएको दाबी गरेका थिए । धेरै महिना पछि, अभिनेताले खुलासा गरे कि उनी जीवित थिए र उनको मृत्युको खबर मात्र अफवाह थियो।

नकुल कपूर सधैं अध्यात्ममा रुचि राख्थे र उनको पहिलो फिल्म हिट भएपछि, उनले अभिनय छोडेर जीवनमा त्यही बाटो अपनाउने निर्णय गरे। नकुल कपुर अहिले लाइमलाइटबाट टाढा रहेको क्यानडाको भ्यानकुभरमा आफ्नो परिवारसँग बस्छन्। उनी दिव्य प्रकाश योगका मालिक र प्रशिक्षक हुन्।