निद्राको कमीले मुटुमा असर, राति अबेर सम्म स्क्रिन हेर्नाले यस्तो जोखिम 

यदि तपाईँलाई निन्द्रा लाग्दैन वा तपाई राती अबेर सम्म स्क्रिनमा बस्नु हुन्छ भने, तपाई को मुटुको स्वास्थ्य बिग्रन सक्छ ।

एउटा नयाँ अध्ययन अनुसार स्लिप एपनिया (एक प्रकारको निद्रा विकार) र एट्रियल फाइब्रिलेसन (एक सामान्य हृदय को रिदम विकार) एक अर्काबाट प्रभावित गर्छन् ।

अमेरिकन हर्ट एसोसिएसनको जर्नलमा प्रकाशित ४२ हजार भन्दा बढी बिरामीहरूको अध्ययन अनुसार निद्रा सँग सम्बन्धित हाइपोक्सिया – वा निन्द्राको समयमा कम अक्सिजन स्तर – समय सँगै एट्रियल फाइब्रिलेसनको विकासको उच्च जोखिम सँग जोडिएको छ ।

फोक्सोको कार्यलाई ध्यानमा राख्दा पनि जोखिम कायमै रहन्छ । यस्तोमा वैज्ञानिकहरूले सुझाव दिएका छन् की निद्रासँग सम्बन्धित हाइपोक्सियाले एट्रियल फाइब्रिलेसनँको जोखिम बढाउँछ ।

एट्रियल फाइब्रिलेसन के हो ?

एट्रियल फाइब्रिलेसन एक अनियमित र धेरै जसो धेरै छिटो मुटुको चाल हो, जसले हृदयमा रगत को थोप्लो (जम्नु) को कारण बन्न सक्छ ।

असामान्य रूपमा छिटो मुटुको चाल ले रक्त प्रवाह खराब हुन सक्छ र स्ट्रोक, हर्ट फेल र अन्य मुटु सम्बन्धी जटिलता को खतरा बढाउन सक्छ ।

अध्ययनले देखाएको छ कि ५ प्रतिशत बिरामीहरूमा निद्राको अध्ययनको पाँच वर्ष भित्र ‘एफआइबी’ को निदान गरिएको थियो, जबकी तिनीहरूको समूह उल्लेखनीय रूपमा युवा थियो ।

अन्वेषकहरूका अनुसार, स्लिप एपनियाको नियमित जाँच र उपचारले एट्रियल फाइब्रिलेसन विकासको सम्भावनालाई कम गर्न मद्दत गर्न सक्छ, विशेष गरी ती मानिसहरूमा जो पहिले नै उच्च जोखिममा छन्।