नाक वा कान छेडिसकेपछि अपनाउनुहोस् यी उपाय

काठमाडाैँ – नाक र कान छेड्ने पुरानो परम्परा हो । तर पछिल्लो समय यो फेसन जस्तै बनेको छ । तर नाक वा कान छेडिपछि राम्ररी हेरचाह गरिएन भने पाक्न सक्छ । यति मात्र होइन हेरचाह नगर्दा संक्रमणको जोखिम बढ्न सक्छ । यस्तो अवस्थामा केही सरल र घरेलु उपाय अपनाएर यस समस्याबाट बच्न सकिन्छ ।

नरिवलको तेलः छेड्ने ठाउँमा अलिकति तातो नरिवलको तेल लगाउनाले दुखाइबाट राहत मात्र मिल्दैन तर संक्रमणको सम्भावना पनि कम हुन्छ । यसले छालालाई नमी प्रदान गर्छ र चर्किनबाट बचाउँछ ।

नीम स्टिकः नीमको एन्टी–फंगल र एन्टी–ब्याक्टेरियल गुणहरूले छेड्ने साइटलाई संक्रमणमुक्त राख्न मद्दत गर्दछ । प्वालमा सुक्खा नीमको डण्डी हाल्दा त्यो खुला र सफा पनि रहन्छ ।

शीतको थोपाः बिहानको शीतको थोपा छेड्ने ठाउँमा लगाउनाले सुन्निनेबाट राहत मिल्छ र संक्रमण हुनबाट बचाउँछ । यो प्राकृतिक समाधान हो ।

तोरीको तेल : मनतातो तोरीको तेल लगाउनाले दुखाइ र सुन्निने समस्याबाट राहत मिल्छ । यसको एन्टिब्याक्टेरियल गुणले छेड्ने साइटलाई संक्रमणबाट मुक्त राख्छ ।

तातो कम्प्रेसः तातो पानीमा भिजाएको कपडाले कम्प्रेस गर्दा दुखाइ र सुन्निनेबाट छिट्टै आराम मिल्छ । यो दिनमा केहि पटक गर्नुहोस् र त्यसपछि क्षेत्र सुख्खा राख्नुहोस् ।