काठमाडौँ – भारतका पूर्वप्रधानमन्त्री एचडी देवेगौडाको परिवार सेक्स स्क्यान्डलमा फसेको छ ।
एचडी देवगौडाका नाति र कर्नाटकको हसनका सांसद प्रज्वल रेवन्नाको यौन काण्ड बाहिरिएपछि उनलाई जनता दल (सेक्युलर) बाट हटाउने माग पार्टीभित्र उठ्न थालेको छ ।
हुबल्लीमा जेडीएस कोर कमिटीको बैठक बस्दै छ, जसमा प्रज्वल रेवन्नालाई पार्टीबाट निष्कासन गर्ने निर्णय गर्न सक्छ ।
यहाँ विशेष अनुसन्धान टोलीले कारबाही थालेको छ । प्रज्वल रेवन्ना हाल विदेशमा छन् । उनका बुबाले यी अडियो–भिडियो क्लिपलाई आफ्नो परिवार विरुद्धको षड्यन्त्र भनेका छन् ।
उही समयमा कुमार स्वामीले आफूलाई आफ्नो भाइको परिवारभन्दा भिन्न भएको बताएका छन् । कर्नाटकको हसनमा जेडियु सांसद र वर्तमान एनडिए उम्मेद्वार प्रज्वल रेवन्नालाई गिरफ्तार गर्न माग गरेका छन्, जनता सडकमा निस्किएका छन् ।
हालै बरामद पेन ड्राइभमा करिब २८ सय अश्लील अडियो–भिडियो क्लिप र अश्लील तस्वीर रहेको बताइएको छ । सबै क्लिपमा स्वर प्रज्वल रेवन्नाको रहेको बताइएको छ ।
कतिपय महिलासँग जबरजस्ती पनि हुने गरेको छ । तर, प्रज्वल रेवन्नाको सिकार भएका अधिकांश महिलाले विरोध गर्न भने अझै सकेका छैनन् । प्रज्वल आफैंले यी भिडियो रेकर्ड गरी महिलालाई ब्ल्याकमेल गरेको आरोप पनि लागेको छ ।
सामाजिक अभियन्ता इरशाद देसाई भन्छन्, ‘हामी प्रज्वललाई गिरफ्तार गर्न माग गर्छौँ, एसआईटीको सट्टा न्यायिक छानबिन पनि चाहन्छौं। पेन ड्राइभको जुन कथा बाहिर आएको छ, त्यो नितान्त डरलाग्दो छ। यो सार्वजनिक डोमेनमा रहेको बताइएको छ। निम्न रूपमा वितरण गरिएको छ।’
लोकसभा चुनावमा प्रज्वल रेवन्नाको सेक्स स्क्यान्डलले राजनीतिक तरङ्ग मच्चाएको छ । उनी सानो नेता भने होइनन् । उनी पूर्व प्रधानमन्त्री एचडी देवगौडाका नाति र पूर्व मुख्यमन्त्री एचडी कुमार स्वामीका भतिजा हुन्।
तर कुमारस्वामीले आफ्नो परिवार रेवन्नाको परिवारभन्दा फरक रहेको बताउँन थालेका छन् र प्रज्वलका बुबा एचडी रेवन्नाले यो कुरालाई षड्यन्त्र भनेका छन् ।
कर्नाटकमा जेडीएससँग मिलेर चुनाव लडिरहेको बीजेपीले भने यसबारे कुनै प्रतिक्रिया दिएको छैन। कर्नाटकको गुलबर्गामा उपस्थित प्रियंका गान्धीले यस विषयमा प्रधानमन्त्री नरेन्द्र मोदीसँग सीधा जवाफ मागेकी छिन् ।
अप्रिल २६ मा मतदान गरेपछि प्रज्वल जर्मनी गएका थिए । प्रशासनले किन रोकेन भनेर सोधिएको छ । कर्नाटक प्रशासनले प्रज्वल रेवन्नाको सेक्स पेन ड्राइभको बारेमा आफूलाई जानकारी नभएको स्पष्ट पारेको छ ।
यो खबर पढेर तपाईलाई कस्तो महसुस भयो ?
प्रतिक्रिया