रुस्लानले रिलिज भएको ३ दिनमा कति कमायो ?

काठमाडाैँ – आयुष शर्मा स्टारर फिल्म ‘रुस्लान’ २६ अप्रिल २०२४ मा हलमा रिलिज भएको छ । चलचित्र हलमा राम्रो प्रदर्शन गर्न नसकेको र आयुषका अन्य चलचित्र जस्तै यो चलचित्र पनि फ्लप साबित हुने देखिन्छ । ‘रुस्लान’ रिलिज भएको तीन दिन भइसक्यो भने यो फिल्मले तीन दिनमा तीन करोड पनि कमाउन सकेको छैन ।

रिपोर्ट अनुसार ‘रुस्लान’ ले पहिलो दिन ५५ लाखको ओपनिङ गरेको थियो । दोस्रो दिन ‘रुस्लान’ले सप्ताहन्तमा केही फाइदा उठायो र फिल्मले ७५ लाख कमाएको थियो । तेस्रो दिन पनि फिल्मले खासै फाइदा लिन सकेको देखिँदैन । आइतबार भए पनि फिल्मले अहिलेसम्म २७ लाख मात्रै कमाउन सकेको छ । योसँगै फिल्मले हालसम्म घरेलु बक्समा कुल १.५७ करोड कमाएको छ ।

‘रुस्लान’को कथा के हो ?
‘रुस्लान’ आफ्नो प्रेम र पहिचानका लागि लड्ने मानिसको कथा हो । फिल्ममा आयुष शर्माको क्यारेक्टरले आफ्नो बन्दुक र गितारबाट आफूलाई प्रमाणित गर्ने प्रयास गरेको छ । ‘रुस्लान’ मा आयुष शर्मा मुख्य भूमिकामा छन् । उनको साथमा जगपति बाबु, सुश्री मिश्रा र विद्या मलावदे महत्वपूर्ण भूमिकामा देखिनेछन् । फिल्ममा जहीर इकबालको पनि विशेष भूमिका छ ।

आयुष शर्माले सन् २०१८ को फिल्म लवयात्रीबाट बलिउडमा डेब्यू गरेका थिए । यो फिल्ममा उनीसँगै वारिना हुसैन देखिइन् । आयुषको यो पहिलो फिल्म बक्स अफिसमा फ्लप भयो । यसपछि आयुष शर्मा सलमान खानसँग फिल्म फाइनलमा देखिएका थिए । तर यो फिल्मले पनि खासै चमत्कार गर्न सकेन र अभिनेताको फ्लप लिस्टमा पर्यो ।