काठमाडौँ– गायिका समीक्षा अधिकारी जापानमा रहेका नेपालीमाझ प्रस्तुति दिएर नेपाल फर्किएकी छिन् ।
बाग्लुङ समाज जापान र बिउकोट समाज जापानले संयुक्त रुपमा आयोजना गरेको कार्यक्रममा उनी जापान पुगेकी थिइन् ।
त्यहाँ उनले आफ्ना चर्चित गीतहरू गाएर नचाएकी थिइन् । पछिल्लो समय चर्चामा रहेको ‘बोक्सीको घर’ को गीत ‘बुझिनँ मैले’ पनि उनले गाएकी थिइन् ।
कार्यक्रममा उनलाई उपस्थित दर्शकले गीत गाएर हौसला बढाइदिएका थिए ।
एक हप्ता लामो बसाइ निकै रमाइलो रहेको समीक्षाले जोय नेपाललाई बताइन् । ‘जापानमा रहेका नेपालीको मायाले मलाई निकै हौसला दियो, एक हप्ते जापान यात्रा निकै रमाइलो भयो,’ समीक्षाले भनिन् ।
गायिका अधिकारी पछिल्लो समयकी व्यस्त गायिका हुन् । उनले स्वर दिएका गीत दर्शकले रचाएका छन् ।
जापानको कार्यक्रमका तस्वीरहरू:
यो खबर पढेर तपाईलाई कस्तो महसुस भयो ?
प्रतिक्रिया