सकियो आँचल र उषाको ‘एक मुठ्ठी बादल’को छायांकन

काठमाडौँ – बहुसङ्ख्यक महिला युनिटको संलग्नता रहेको फिल्म ‘एक मुठ्ठी बादल’को छायाङ्कन सकिएको छ ।

पोखराको लामा चौरमा गरिएको छायाङ्कन २२ दिनमा सकिएको हो । 

यो फिल्मको छायाङ्कन नारी दिवसको दिनबाट गरिएको थियो । फिल्मको लेखन/निर्देशन साहारा शर्माले गरेकी छिन् भने निर्माणमा अभिमन्यु दीक्षित, अनुप पौडेल र सामीप्यराज तिमिल्सिनाको संयुक्त  लगानी छ । 

गौंथली इन्टरटेन्मेन्ट, मन प्रोडक्शन र अन्डरग्राउन्ड टकिजको प्रस्तुति रहेको यो  फिल्मका कार्यकारी निर्माता निकुन श्रेष्ठ हुन् ।

जसमा आँचल शर्मा, निशा शर्मा, उषा रजक, अस्मिता गौतम, भीमा मैनाली, शेखर चापागाँई, मनिष निरौला, गौरव बिष्ट, सहयोग राज अधिकारी, अविरल प्रताप अधिकारी लगायतका कलाकारको अभिनय छ ।