मधुमेह रोगीहरुको दिउँसोको खाजामा के खाने ?

काठमाडाैँ – विश्वमा मधुमेहका बिरामीको संख्या लगातार बढिरहेको छ । जसको मुख्य कारण खराब खानपान र गलत जीवनशैली हो । मधुमेह एक यस्तो रोग हो जसलाई पूर्ण रुपमा उन्मूलन गर्न सकिदैन तर यसलाई नियन्त्रण भने अवश्य गर्न सकिन्छ ।

तपाईले अलिकति पनि लापरवाही गर्नुभयो भने यसले तपाईको स्वास्थ्यमा गम्भीर असर पार्न सक्छ। तसर्थ मधुमेहका बिरामीले खानपानमा विशेष ध्यान दिनुपर्छ । चिनीको मात्रा नियन्त्रणमा राख्न डाइट प्लान बनाउनुपर्छ । फलफूल, हरियो सागसब्जी, सम्पूर्ण अन्न, प्रोटिन आदि आहारमा समावेश गर्नुपर्छ।

तर, कयौं पटक मधुमेहका रोगीहरू आफूले के खाने र के नखाने भन्ने चिन्तामा रहन्छन् । यदि तपाई पनि उनीहरु मध्ये हुनुहुन्छ भने अब तपाईलाई चिन्ता लिनु पर्दैन । किनकी मधुमेह रोगीहरुको दिउँसोको खानामा कुन चिजहरु खादा सुगर लेभल सन्तुलित रहन्छ त्याे कुरा थाहा पाउन जरूरी छ ।

अन्न र दाल

मधुमेहका बिरामीले दिउँसोको खानामा दाल समावेश गर्नुपर्छ । यसमा प्रोटिन, पोटासियम, फाइबर जस्ता धेरै आवश्यक पोषक तत्वहरू प्रशस्त मात्रामा पाइन्छ। तपाईं सम्पूर्ण अन्न रोटी, चोकर वा मल्टिग्रेन रोटी, ब्राउन राइस, जौ उपभोग गर्न सक्नुहुन्छ। यो मधुमेह रोगीहरुका लागि धेरै लाभदायक मानिन्छ।

अण्डा

सामान्यतया, सबैले आफ्नो आहारमा अण्डा समावेश गर्नुपर्छ। नियमित रूपमा अण्डा खाँदा स्वास्थ्यका लागि धेरै फाइदा हुन्छ । यसमा प्रोटिन र एमिनो एसिड मात्रामा पाइन्छ जुन निकै फाइदाजनक मानिन्छ । दैनिक अण्डा खाँदा टाइप २ मधुमेहको जोखिमबाट बच्न सकिन्छ ।

हरियो तरकारी

मधुमेहका बिरामीले दिउँसोको खानामा हरियो सागपात समावेश गर्नुपर्छ । पालक, मेथी, बथुआ, ब्रोकाउली, लौका, करेला, करेला जस्ता तरकारी खान सक्नुहुन्छ। यी तरकारीहरूमा कम क्यालोरी र अधिक पोषक तत्वहरू छन्। साथै यसमा एन्टिअक्सिडेन्ट गुण हुन्छ जसले ब्लड सुगरलाई नियन्त्रणमा राख्छ । यसले रक्तचाप नियन्त्रण गर्नुका साथै रोग प्रतिरोधात्मक क्षमता बढाउन पनि मद्दत गर्छ ।

दही

दिउँसोको खानामा दही खानु भयो भने के भन्नु हुन्छ, खानाको मजा दोब्बर हुन्छ । दहीमा क्याल्सियम, प्रोटिन र पोषक तत्व राम्रो मात्रामा पाइन्छ । साथै यसमा यस्ता गुण पाइन्छ जसले रगतमा चिनीको मात्रा घटाउन मद्दत गर्छ ।

माछा

यदि तपाईं नॉन-वेज खानुहुन्छ भने दिउँसोको खानामा बोसोयुक्त माछा अवश्य समावेश गर्नुहोस्। यसका अलावा सार्डिन, हेरिङ, साल्मन माछा पनि खान सक्नुहुन्छ। खासगरी मधुमेहमा माछा निकै फाइदाजनक हुन्छ । त्यसैले मधुमेहका बिरामीले यसको सेवन गर्नुपर्छ ।