तौल घटाउने सोचमा हुनुहुन्छ ? राति दूध पिउनु छोड्नुस्

काठमाडाैँ – हामी सबैलाई थाहा छ दूध हाम्रो स्वास्थ्यको लागि कति फाइदाजनक छ। दूधमा क्याल्सियम र भिटामिन डी प्रचुर मात्रामा पाइन्छ जसले हाम्रो मस्तिष्कलाई तीखो र हड्डीलाई बलियो बनाउँछ। दूध पिउनाले शरीरलाई धेरै गम्भीर रोगहरूबाट बचाउँछ। यही कारणले गर्दा मानिसहरुले आफ्नो आहारमा दूध समावेश गर्ने गर्छन् ।

कसैलाई बिहान घरबाट निस्कनुअघि र कोही राती सुत्नुअघि दूध पिउन रुचाउँछन्। तर यदि तपाई तौल घटाउने प्रयास गर्दै हुनुहुन्छ वा मोटोपनाबाट ग्रसित हुनुहुन्छ भने राति दूध पिउनु तपाईको लागि हानिकारक हुन सक्छ।

राति दूध पिउँदा तौल बढ्छ
चिकित्सक सुधीर मेनन दूधमा ल्याक्टोज र प्रोटिन पाइने भएकाले राति दूध पिउनु नहुने बताउँछन् । वास्तवमा, एक गिलास दूधमा लगभग १२० क्यालोरीहरू हुन्छन् र दूध पिएपछि सुत्दा क्यालोरीहरू जल्दैनन्। यसका साथै दूध पनि गाढा हुन्छ र राती पिउने हो भने चाँडो पच्दैन । यस्तो अवस्थामा यदि तपाई तौल घटाउने प्रक्रियामा हुनुहुन्छ भने राति दूध नपिउनुहोस् ।

दूध पिउने सही समय कुन हो ?
चिकित्सकका अनुसार यदि तपाई तौल घटाउन चाहनुहुन्छ भने राति दूध पिउनुको सट्टा बिहान ९ देखि ११ बजेसम्म ब्रेकफास्टमा दूध पिउनुपर्छ । साथै, यदि तपाईलाई पाचनसँग सम्बन्धित कुनै समस्या छ भने तपाईले राती दूध पिउनु हुँदैन। यदि तपाईलाई स्वास्थ्य सम्बन्धी कुनै समस्या छैन वा तौल घटाउन चाहनुहुन्न भने राति सुतेर दूध पिउन सक्नुहुन्छ ।

ध्यान दिनुहोस् कि तपाईंले खाना खाएपछि पिउने दूध चिसो हुनु हुँदैन किनभने चिसो दूध स्वास्थ्यको लागि राम्रो छैन। सधैं मनतातो पिउनुहोस्।