काठमाडौँ– ब्रह्माण्डमा निरन्तर अघि बढिरहने कुनै चिज छ भने त्यो समय मात्र हो । समयलाई चाहेर पनि कसैले कहिल्यै पनि रोक्न सक्दैन ।
तर तपाईँले कहिल्यै सोच्नुभएको छ, समय पछाडि फर्केर गयो भने के हुन्छ ? आज हामी तपाइलाई भइरहेको यस्तै एउटा अचम्मको खोजका बारेमा जानकारी दिँदै छौ ।
भनिन्छ, विश्वको समय पृथ्वीको परिक्रमाको गतिद्वारा निर्धारण गरिन्छ । तर बितेका केही वर्ष यता पृथ्वीको घुम्ने गति तीव्र हुँदै गएको वैज्ञानिकहरूको दाबी छ । यसकारण उनीहरू घडीको सुईलाई पनि एक सेकेन्डले पछि फर्काउने सोच गरिरहेका बताइएको छ ।
न्यूयोर्क पोस्टको रिपोर्ट अनुसार नेचर जर्नलमा यहीँ मार्च २७ मा प्रकाशित भएको एक रिपाेर्टमा जसमा सन् २०२९ मा घडीलाई एक सेकेन्ड पछाडि फर्काउन सकिने बताइएको छ ।
यदि यो कुरा सम्भव भएमा ५९ सेकेन्डको एक मिनेट हुनेछ । यसो गर्दा विश्वभरका कम्प्युटर प्रोग्रामहरू गडबड हुन सक्ने पनि वैज्ञानिकहरूको भनाइ छ ।
सन् १९६७ भन्दा पहिले, पृथ्वीको अक्षमा परिक्रमा गरेको आधारमा समय मापनको आधार मानिएको थियो । पछि सन् १९६७ मा वैज्ञानिकहरूले पहिलो पटक परमाणु घडीहरू प्रयोग गरे ।
तर आज पनि धेरै समुन्द्र यात्रुहरू पृथ्वीको गति चन्द्रमा र सूर्यको गतिमा निर्भर रहन्छन् । तर सूर्य र चन्द्रमाको गति कहिल्यै एकनास हुँदैन । यसैले यी दुई घडीहरू बीच ०.९ सेकेन्डको भिन्नता मापन गरिसकिएको छ । यसरी हिसाब गर्दा १९७२ देखि २७ लीप सेकेन्ड थपिसकेका छन् ।
तर अहिले पृथ्वीको गति परमाणु घडी भन्दा पनि तीव्र भएको छ । जसकारण पृथ्वीको गति र परमाणु घडिबीचको तालमेल मिलाउनका लागि वैज्ञानिकहरूले घडीको सुईलाई एक सेकेन्डले पछाडि फर्काउने सोच बनाएका हुन् । जुन त्यति सहज हुने छैन ।
युनिभर्सिटी अफ क्यालिफोर्नियाका अनुसन्धानकर्ता डंकन एग्न्युका अनुसार यस्तो प्रयोग यसअघि कहिल्यै भएको थिएन । डंकन एग्न्युका अनुसार जलवायु परिवर्तनको असरका कारण सन् २०२६ मा लागु हुनुपर्ने नेगेटिभ लिप सेकेन्ड २०२९ को आसपासमा मात्र लागु गराउन सकिनेछ ।
यो खबर पढेर तपाईलाई कस्तो महसुस भयो ?
प्रतिक्रिया