पेट सफा बनाउन खानुहोस् यी पाँच फल 

अत्यधिक गलत प्रकारको खानपान हाम्रो आन्द्रामा पच्दैन जसले गर्दा पेटमा फोहोर जम्मा हुन थाल्दछ । यदी यो फोहोर धेरै दिनसम्म रहन थाल्यो भने कब्जियत, ग्यास तथा पेट दुख्ने समस्या हुन थाल्छ ।

यसबाट राहत पाउनका लागि केही खानेकुरा अत्यधिक फाइदाजनक मानिन्छन् । आउनुहोस् जानौं त्यस्ता केही फलहरु जसलाई एक हप्ता खानुभयो भने पनि तपाईंको पेट सफा हुनेछ ।

स्याउ
विशेषज्ञका अनुसार स्याउमा भरपूर मात्रामा फाइबर हुन्छ । जसले मल त्याग गर्नका लागि सहयोग गर्दछ । यसमा पेक्टिन हुन्छ जसले पेटको स्वास्थ्यलाई राम्रो बनाउँछ । स्याउको सेवन सधैं बोक्रासँगै गर्नुपर्दछ ।

मेवा
मेवा पेटका लागि एकदमै फाइदाजनक हुन्छ । कब्जियतको समस्या हुँदा मेवाको सेवन गर्नुपर्दछ । यसमा पेपैन नामक एन्जाइम हुन्छ, जसले पाचन प्रक्रियालाई राम्रो बनाएर कब्जियत भगाउँछ । नियमित रुपमा दैनिक मेवा खाँदा पेटसँग जोडिएको समस्याबाट छुट्कारा पाउन सकिन्छ ।

सुन्तला
यदि तपाईंलाई कब्जियतको समस्या छ भने सुन्तलालाई आफ्नो खानपानमा समावेश गराउनुहोस् । यसमा फाइबर एकदमै धेरै हुन्छ जसले पाचन प्रणालीलाई राम्रो बनाउँछ । सुन्तलामा नारिनजेनिन हुन्छ जसले कब्जियतबाट छुट्कारा दिन्छ ।

कीवी
कीवीमा भरपूर मात्रामा पानी र फाइबर हुन्छ जसले कब्जियतबाट छुट्कारा दिन्छ । यसमा एक्टिनिडिन नामक एन्जाइम हुन्छ जसले प्रोटिनलाई तोड्न सहयोग गर्छ । साथमा यो पाचन तथा कब्जियतका लागि पनि एकदमै राम्रो मानिन्छ ।

नासपती
नासपतीको सेवन गर्नाले पनि पेट सफा हुन्छ । यसमा कैयौं त्यस्ता पोषक तत्वहरु हुन्छन् जसले पाचन प्रणालीलाई सुधार गर्न सहयोग गर्छन् ।