काठमाडौँ– बलिउड र दक्षिण भारतीय फिल्महरूको बीचमा बक्स अफिसमा कडा प्रतिस्पर्धा देखिन्छ ।
भारतीय मिडियाहरूका अनुसार यस वर्ष बलिउडका रिलिज हुने यी फिल्महरूले दक्षिण भारतीय फिल्महरूलाई पछाडि पार्न सक्नेछन् ।
एनिमल पार्क– ‘एनिमल’ फिल्म ले राम्रो सफलता पाएसँगै रणवीर कपुरको नयाँ फिल्म ‘एनिमल पार्क’ पनि रिलिज हुने तयारीमा छ । भारतीय मिडियाहरूका अनुसार यस फिल्ममा रणवीर कपुर दोहोरो भूमिकामा देखिनेछन् ।
रामायण– मिडिया रिपोर्टका अनुसार नितेश तिवारीले निर्माण गर्ने महाकाव्य रामायणको कथामा आधारित फिल्म ‘रामायण’ मा अभिनेता यश रावणको भूमिका निभाउने छन् ।
वार २– दक्षिण भारतीय फिल्महरूलाई मात दिने बलिउड फिल्मको लिस्टमा वार २ पनि पर्छ । यस फिल्मको मुख्य भूमिकामा ऋतिक रोशन मुख्य भूमिकामा देखिने छन् । यस फिल्ममा जुनियर एनटीआर खलनायकको भूमिकामा रहने छन् ।
बडे मियाँ छोटे मियाँ– यस फिल्ममा अक्षय कुमार र टाइगर श्राफ को प्रतिस्पर्धा पुथ्विराज सुकुमारनसंग हुनेछ । यो फिल्मको दर्शकहरूले प्रतीक्षा गरिरहेको मिडिया रिपोर्टमा उल्लेख छ ।
भुल भुलैया ३– कार्तिक आर्यनको यस फिल्ममा विद्या बालन डरलाग्दो भूमिकामा देखिनेछन् । भारतीय मिडियाहरूले पनि यो फिल्म पनि सुपर हिट हुने दाबी गरेका छन् ।
शैतान– अजय देवगनको डराउने फिल्म ‘शैतान’ आर माधवन खलनायकको भूमिकामा देखिने छन् । यस फिल्मको बाहिरिएको एक भिडियोलाई दर्शकहरूले धेरै मन पराएका छन् भने माधवनको लुक्स अहिले चर्चामा छ ।
टाइगर भर्सेज पठान– स्पाई युनिवर्सको फिल्म ‘टाइगर भर्सेज पठान’ मा सलमान खान र शाहरुख खान बीचको प्रतिस्पर्धा देख्न सकिन्छ ।
सिंघम ३– अजय देवगनको यो फिल्ममा अर्जुन कपुर खलनायकको भूमिकामा देखिनेछन् । हालै बाहिरिएको एक तस्वीरलाइ पनि दर्शकहरूले मन पराएका थिए ।
यो खबर पढेर तपाईलाई कस्तो महसुस भयो ?
प्रतिक्रिया