काठमाडौँ – ट्विटर किनेर एक्स बनाएका विश्वकै धनाढ्य एलन मस्कले ‘एक्स मेल’ ल्याउने चर्चा सुरु भएको छ ।
गुगलको विश्व चर्चित उत्पादन जिमेल बन्द हुने हल्लाका बीच मस्क इमेल सेवाको विश्व बजारमा पनि प्रवेश गर्ने सम्भावना देखिएको हो ।
एक्सका सेक्युरिटी इन्जिनियर नाथन म्याकग्रेडीले एक्समेल कहिले आउँछ ? भनेर एक्समा गरेको प्रश्नमा उत्तर दिँदै मस्कले यस्तो सङ्केत गरेका हुन् ।
जिमेल बन्द हुने सम्बन्धी मिथ्या खबर फैलिरहेको बेला उनैको पोस्टमा रिप्लाई गर्दै मस्कले एक्स मेल चाँडै आउने जनाएका हुन् । त्यसले बजारमा नयाँ ईमेल सर्भिस आउने सङ्केत मिलेको हो ।
यो खबर पढेर तपाईलाई कस्तो महसुस भयो ?
प्रतिक्रिया