काठमाडौं– गायक, मोडल तथा कलाकार प्रकाश सपूतले मंगलबार रिलिज गरेको ‘मुटु कटक्कै’ बोलको गीत युट्युबको ट्रेन्डिङ नम्बर १ मा उक्लेको छ ।
रिलिज हुनासाथ चर्चामा आएको यो गीतमा प्रेमका भावनालाई उनिएको छ । गीतमा शब्द तथा संगीत प्रकाश सपूतकै रहेको छ ।
गीतको भिडियोमा प्रकाश सपूतका साथै कुसुम शर्मा, रोशनी कार्की, विजय पुन लगायतका कलाकारले अभिनय गरेका छन् ।
सामाजिक सञ्जालमा पनि यो गीतले चर्चा कमाइरहेको छ । यद्यपि म्युजिक भिडियोमा धेरै ब्राण्डका विज्ञापनहरु गरिएको भन्दै कतिपयले सपूतको विरोध पनि गरेका छन् ।
यसअघि सपूतले ‘जाले रुमाल फाट्यो’, ‘दमाई महाराज’, ‘सकम्बरी’ लगायतका गीत बजारमा ल्याएका थिए । ती गीतबाट उनले राम्रो चर्चा कमाएका थिए । लोक संगीतका क्षेत्रमा प्रकाश सपूत पछिल्लो समयका लोकप्रिय गायक मानिन्छन् ।
यो खबर पढेर तपाईलाई कस्तो महसुस भयो ?
प्रतिक्रिया