काठमाडौँ – किशोरावस्थामा केटाहरूको शरीरमा अनेकौं परिवर्तनहरू देखिन्छन्। मांसपेशी बढ्नु, आवाज भारी हुनु, दाह्री–जुँगा आउनु सामान्य हो। तर केही केटाहरूमा स्तनको आकार बढ्न थाल्छ, जसले उनीहरूलाई लज्जित र तनावग्रस्त बनाउँछ।
यो अवस्था गाइनेकोमास्टिया भनिन्छ, जहाँ छाती वरिपरि बोसो वा स्तन तन्तुको वृद्धि हुन्छ। यसको मुख्य कारण हार्मोनल असंतुलन हो।
गाइनेकोमास्टियाका कारणहरू:
हार्मोन असंतुलन: पुरुष शरीरमा टेस्टोस्टेरोन र एस्ट्रोजेनको सन्तुलन बिग्रँदा एस्ट्रोजेन बढेर स्तनको तन्तु बढ्छ।
किशोरावस्थामा हार्मोनल उतारचढाव: धेरैजसो अवस्थामा समयसँगै सुधार हुन्छ।
मोटोपना: शरीरमा बोसो जम्मा हुँदा स्तन झैँ देखिन्छ।
औषधि र स्टेरोइड: केही औषधिहरूले समस्या ल्याउन सक्छ।
कलेजो वा मृगौला समस्या: गम्भीर अंग विकारले पनि हार्मोन असंतुलन गर्छ।
कहिले सतर्क हुने ?
स्तनको आकार लामो समयसम्म नघट्नु
पीडा वा गाँठो देखिनु
तरल पदार्थ चुहावट हुनु
आकारमा धेरै भिन्नता हुनु
मानसिक तनाव बढ्नु
उपचार:
किशोरावस्थामा सामान्य केसहरूमा प्रायः उपचार आवश्यक हुँदैन।
हार्मोनल समस्या भए चिकित्सकको सल्लाह अनिवार्य छ।
गम्भीर अवस्थामा शल्यक्रिया वा लिपोसक्सन आवश्यक पर्न सक्छ।
व्यायाम र तौल नियन्त्रणले पनि सुधार ल्याउन सक्छ।
गाइनेकोमास्टिया लाजको कुरा होइन, सामान्य र उपचारयोग्य समस्या हो। यदि तपाईं वा नजिकका कसैमा यस्तो देखियो भने डराउनु नपर्ने, डाक्टरसँग परामर्श गर्नुपर्छ।
यो खबर पढेर तपाईलाई कस्तो महसुस भयो ?
प्रतिक्रिया