आज पनि घट्यो सुनको मूल्य, कतिमा हुँदैछ कारोवार ?

काठमाडौं- साताको चौथो दिन बुधवार सुनको मूल्य तोलामा १५ सय रुपैयाँले घटेको छ।

नेपाल सुनचाँदी व्यवसायी महासंघकाअनुसार आज छापावाल सुनको मूल्य तोलामा १५ सय रुपैयाँले घटेर १ लाख ९२ हजार रुपैयाँमा कारोबार भइरहेको छ । यसअघि मंगलबार सुन तोलाको १ लाख ९३ हजार ५ सयमा कारोबार भएको थियो ।

यस्तै,आज चाँदीको मूल्य पनि घटेको छ । तोलामा २० रुपैयाँले घटेर चाँदी २ हजार १ सय ४० रुपैयाँमा कारोबार भइरहेको महासंघले जनाएको छ ।