काठमाडौं। आज २०८२ साल असोज १६ गते बिहीबार। आश्विन शुक्ल पक्षको दशमी तिथि। विजया दशमी। दशैँको टीकाको दिन। तदनुसार सन् २०२५ अक्टोबर २ तारिख। नक्षत्र अनुसार १२ वटा राशि हुन्छन्। चन्द्रमा अनुसार राशि र नक्षत्रका पद अनुसार नाम राखिन्छ।
मेष: पारिवारिक खुशी र उमंगले भरिपूर्ण हुनेछ। टीका–जमारा ग्रहण गर्दा परिवारको माया, आशीर्वादले आत्मविश्वास बढ्नेछ। तर अनावश्यक विवादमा नजाने उत्तम हुन्छ।
वृष: आर्थिक पक्ष मजबुत देखिन्छ। नातेदारसँग भेटघाट, भोज आदिमा रमाइलो हुनेछ। तर खर्च नियन्त्रण नगरे पछुतो हुने सम्भावना छ। निर्णय लिनुअघि समय लिनुहोस्।
मिथुन: आज सामाजिक सम्पर्क र सम्बन्ध विस्तारको दिन हो। साथीभाइ वा नातेदारसँग रमाइलो अवसर आउन सक्छ। यात्रा वा बाहिर निस्कँदा सानो असजिलो अनुभव हुन सक्छ, स्वास्थ्यमा ध्यान दिनुहोस्।
कर्कट: घर–परिवारमा सुख–शान्ति बढ्नेछ। पूजापाठमा मन रमाउनेछ र पुराना योजनामा प्रगति हुनेछ। तनाव वा कामको दबाब बढे विश्राम लिनु आवश्यक हुन्छ।
सिंह: आत्मविश्वास र आकर्षण बढ्ने दिन। नेतृत्व वा परिवारमा सम्मान पाउने अवसर मिल्नेछ। कला, मनोरञ्जन वा सामाजिक क्षेत्रमा राम्रो देखिन्छ। अहंकार बढे सम्बन्ध बिग्रिन सक्छ।
कन्या: अध्ययन, अनुसन्धान वा नयाँ कुरा सिक्न चाहनेहरूलाई राम्रो समय छ । परिवारबाट सहयोग र प्रेरणा पाइनेछ तर छिटो निर्णय नगरी ध्यानपूर्वक मूल्यांकन गर्नुपर्छ।
तुला: प्रेम वा दाम्पत्य जीवनमा मिठास छाउनेछ। पारिवारिक वातावरण सुखद रहनेछ। आफैंलाई स्पष्ट राख्दा राम्रो हुनेछ।
वृश्चिक: कामप्रति उत्साह बढ्नेछ। व्यापार वा योजनामा सफलता मिल्ने संकेत छ। तर पाचन वा निन्द्राको समस्या आउन सक्छ, खानपान र विश्राममा ध्यान दिनुहोस्।
धनु: साहसिक काम वा यात्राको अवसर आउन सक्छ। पारिवारिक भेटघाटमा रमाइलो हुनेछ। धेरै काम बोकेर शरीर थकित बनाउन सकिन्छ, त्यसैले समय व्यवस्थापन महत्त्वपूर्ण हुन्छ।
मकर: लगानी वा सम्पत्ति सम्बन्धी कुरामा लाभ मिल्ने दिन। परिश्रमले मान सम्मान बढ्नेछ। तर कठोर व्यवाहार देखाए साथीभाइसँग दूरी बढ्न सक्छ।
कुम्भ: धार्मिक वा सामाजिक सेवामा संलग्न हुने अवसर मिल्नेछ। पूजा–पाठमा मन रमाउने दिन छ । तर कामको व्यवस्थापनमा कमी भए अधुरो काम बाँकी रहन सक्छ।
मीन: अध्यात्म, ध्यान वा पूजा आराधनामा मन आकर्षित हुनेछ। पारिवारिक साथले मन हलुका हुनेछ। तर वरिपरिको नकारात्मकता मनोबलमा असर गर्न सक्छ, सकारात्मक सोच राख्नुहोस्।
राशिफल जे जस्तो भएपनि तपाईंको दिन शुभ रहोस् ।
यो खबर पढेर तपाईलाई कस्तो महसुस भयो ?
प्रतिक्रिया