काठमाडौं । बलिउड फिल्म ‘सैयारा’ बाट दर्शकको मन जित्न सफल अभिनेत्री अनीत पड्डा नयाँ कोर्ट ड्रामा फिल्म ‘न्याय’ मा अनुबन्धित भएकी छिन्।
फिल्ममा अनीत एक जवान पीडित महिलाको भूमिकामा प्रस्तुत हुनेछिन्, जसले शक्तिशाली आध्यात्मिक गुरुविरुद्ध कानुनी संघर्ष गर्छिन्। कथावस्तु महिलामाथिको अन्याय र सामाजिक अन्यायविरुद्धको कानुनी लडाइँमा आधारित हुनेछ।
‘सैयारा’ मा अहान पाण्डेसँगको अभिनय तथा केमेस्ट्रीका कारण अनीतले उच्च प्रशंसा पाएकी थिइन्। नयाँ फिल्म ‘न्याय’ मा उनले अझ गम्भीर र चुनौतीपूर्ण भूमिका निर्वाह गर्नेछिन्।
फिल्ममा अनीतसँगै फातिमा सना शेख, अर्जुन माथुर, मोहम्मद जीशान अय्युब, रघुवीर यादव र राजेश शर्मा पनि मुख्य भूमिकामा देखिनेछन्।
नित्या मेहरा र करण कपाडियाको सह-निर्देशनमा बन्न लागेको यस फिल्मको निर्देशन टोली यसअघि अनीतसँगै ‘बिग गर्ल्स डन्ट क्राइ’ मा काम गरिसकेको छ।
फिल्मको छायांकन चाँडै सुरु हुने जनाइएको छ भने प्रदर्शन मिति भने औपचारिक रूपमा घोषणा गरिएको छैन।
यो खबर पढेर तपाईलाई कस्तो महसुस भयो ?
प्रतिक्रिया