अक्षय कुमारको फिटनेस रहस्य: बेलुकाको खाना चाँडै खानु र उपवास

काठमाडौँ – बलिउडका दिग्गज अभिनेता अक्षय कुमार आफ्नो फिटनेस र अनुशासित जीवनशैलीका लागि परिचित छन्। हालै उनले आफ्नो दैनिक दिनचर्या र आहार सम्बन्धी बिशेष जानकारी सार्वजनिक गरेका छन् जसले उनका फ्यानहरूलाई प्रेरित बनाएको छ।

अक्षयका अनुसार, उनी सँधै साँझ ६:३० बजेभित्र खाना सक्न रुचाउँछन्। उनले बताए, “सुत्नुअघि पेटले आराम गर्नुपर्छ, त्यसैले राती ढिलो खानाले स्वास्थ्यमा नकारात्मक प्रभाव पार्छ।” साथै, उनी हरेक सोमबार उपवास बस्छन् जसले उनको शरीर र मस्तिष्कलाई नयाँ उर्जा दिन सहयोग गर्छ।

उनले आफ्नो फिटनेसको लागि भारी तौल उठाउनुको साटो रक क्लाइम्बिङ, खेलकुद र योगजस्ता प्राकृतिक व्यायामहरूलाई प्राथमिकता दिन्छन्। अक्षयको जिममा कुनै भारी उपकरण नरहे पनि सक्रिय रहनका लागि उपयुक्त सेटअप छ।

अक्षयले आफ्नो राती १० बजेसम्म सुत्ने बानी राखेका छन् र पार्टी तथा सामाजिक कार्यक्रमहरूबाट टाढा बस्ने गर्छन्। उनको यो अनुशासनले उनलाई बलिउडमा दीर्घकालीन सफलता र स्वास्थ्य प्रदान गरेको छ।

हालै रिलिज भएको फिल्म ‘हाउसफुल ५’ ले अपेक्षित सफलता नपाए पनि अक्षय छिट्टै ‘हेरा फेरी ३’, ‘वेलकम टु द जंगल’ र ‘जोली एलएलबी ३’ जस्ता नयाँ फिल्महरूमा देखिने छन्।

अक्षय कुमारको यो दिनचर्या स्वास्थ्यप्रेमीहरूका लागि उदाहरणीय बनेको छ र फिटनेस कायम राख्न चाहनेहरूले यसलाई अनुसरण गर्न सुझाव दिइएको छ।