श्रुति हासनको खुलासा: ‘कमल हासन अपर्णा सेनसँग प्रेममा थिए, उनलाई प्रभावित गर्न बंगाली भाषा सिके’

मुम्बई – दक्षिण भारतीय सुपरस्टार कमल हासनको व्यक्तिगत जीवनबारे उनकी छोरी तथा अभिनेत्री श्रुति हासनले एक रोचक खुलासा गरेकी छन्।

नयाँ फिल्म ‘कुली’ को प्रचारक्रममा श्रुतिले आफ्नो बुबा कमल हासनले अभिनेत्री अपर्णा सेनलाई प्रभावित गर्न बंगाली भाषा सिकेका थिए भन्ने जानकारी दिइन्।

श्रुतिले एक अन्तर्वार्तामा भनिन्, “बुबाले बंगाली भाषामा फिल्म गर्न सिक्नु भएको होइन। त्यो त उहाँको प्रेम थियो। उहाँ अपर्णा सेनसँग प्रेममा हुनुहुन्थ्यो र उहाँलाई इम्प्रेस गर्न बंगाली भाषा सिक्नु भएको थियो।”

श्रुतिले खुलासा गरिन् कि बुबाको फिल्म हे राम मा रानी मुखर्जीले निभाएको पात्रको नाम ‘अपर्णा’ राखिएको थियो, जुन सीधै अपर्णा सेनसँग जोडिएको हो। “‘हे राम’ मा रानी मुखर्जीको क्यारेक्टरको नाम पनि अपर्णा थियो। त्यो संयोग थिएन,” उनले भनिन्।

श्रुति र सत्यराजको संवादमा खुल्यो प्रेम प्रसंग

फिल्म कुली को प्रचारक्रममा अभिनेता सत्यराजसँग कुराकानी गर्दै श्रुतिले यो विषयमा चर्चा गरेकी हुन्। उनले कमल हासनको भाषाप्रतिको झुकावको चर्चा गर्दै भनेकी थिइन् कि कमल हासन धेरै भाषामा दक्ष छन् र तीमध्ये बंगाली भाषा सिक्नु प्रेमको कारण थियो।

कलामा मात्र होइन, प्रेममा पनि गम्भीर

कमल हासन कलाकारितामा गहिरो समर्पण गर्ने अभिनेता मानिन्छन्। तर छोरीको यो खुलासाले देखाएको छ कि उनी प्रेमप्रति पनि उत्तिकै गम्भीर थिए। उनका प्रशंसकहरूले सामाजिक सञ्जालमा प्रतिक्रिया दिँदै यो कथालाई “एक पक्षीको लागि गीत रचना जस्तै” भनेका छन्।

कमल हासन पछिल्लो पटक मणिरत्नमको निर्देशनमा बनेको फिल्म ठग लाइफ मा देखिएका थिए। श्रुति हासन भने हाल रजनीकान्तसँगको फिल्म कुली मा व्यस्त छिन्।