मुम्बई – निर्माता बोनी कपूरले सन् २००५ मा रिलिज भएको सुपरहिट कमेडी फिल्म ‘नो इन्ट्री’ को सिक्वेल बनाउने घोषणा गरेका छन्। तर यसपटक मूल स्टार कास्ट – सलमान खान, अनिल कपूर र फरदीन खान – फिल्ममा रहने छैनन्।
सिक्वेलमा नयाँ कलाकारहरू ल्याइँदैछ, जसमा वरुण धवन, अर्जुन कपूर र दिलजीत दोसांझ प्रमुख भूमिकामा देखिनेछन्। निर्देशन फेरि अनीस बज्मीकै जिम्मामा हुनेछ।
हिन्दुस्तान टाइम्स ले प्रकाशन गरेको रिपोर्ट अनुसार, सलमान खानले ‘नो इन्ट्री २’ मा काम गर्न व्यक्तिगत कारणले अस्वीकार गरेका छन्।
रिपोर्टमा स्रोतलाई उद्धृत गर्दै भनिएको छ: “सबै कुरा स्पष्ट छ। सलमानको बोनी कपूर र अर्जुन कपूर दुवैसँग व्यक्तिगत मनमुटाव छ। त्यसैले बोनीसँग पुरानो कलाकारहरूसँग अगाडि बढ्ने कुनै सम्भावना थिएन।”
अर्जुन कपूर अहिले मलाइका अरोरासँग सम्बन्धमा छन्, जो सलमान खानका भाइ अरबाज खानकी पूर्व पत्नी हुन्। यही सम्बन्धले सलमान र अर्जुनबीच दूरी सिर्जना गरेको बताइन्छ। फलस्वरूप सलमानले अर्जुन सहभागी हुने प्रोजेक्टहरूबाट आफूलाई अलग राख्दै आएका छन्।
एक अन्तर्वार्तामा बोनी कपूरले स्वीकार गरेका छन् कि पुरानो कलाकारहरूलाई फिल्ममा नल्याउनु एक ठूलो क्षति हो। उनले भने “हामीले लगभग ८–१० वर्षसम्म प्रतीक्षा गर्यौं। तर विभिन्न कारणले परियोजना अघि बढ्न सकेन। अब हामी नयाँ सुरुवात गर्दैछौं। हामी सलमान, अनिल र फरदीनलाई पक्कै सम्झनेछौं।”
सिक्वेलमा वरुण धवन, अर्जुन कपूर र दिलजीत दोसांझ देखिने पुष्टि भएको छ, निर्देशन फेरि पनि अनीस बज्मीकै हुनेछ, जसले मूल फिल्म ‘नो इन्ट्री’ लाई ब्लकबस्टर बनाएका थिए।
यो खबर पढेर तपाईलाई कस्तो महसुस भयो ?
प्रतिक्रिया