काठमाडौँ – धेरै बलिउड स्टारहरूले आफ्नो कडा परिश्रम, अद्भुत प्रतिभा र स्टाइलिश छविका कारण विश्वभर ठूलो नाम कमाएका छन्।
तर के तपाईंलाई थाहा छ, तीमध्ये धेरै स्टारहरूले आफ्नो वास्तविक नाम परिवर्तन गरेका छन् । आज तिनै नामले उनीहरू सुपरस्टार छन्, तर एक समय थियो जब उनीहरूलाई फरक नामले चिनिन्थ्यो।
यहाँ हेर्नुहोस् – शाहरुख खानदेखि अक्षय कुमारसम्म, तपाईंका मनपर्ने स्टारहरूका वास्तविक नामहरू:
कियारा आडवाणी – आलिया आडवाणी
कियारा आज बलिउडकी चर्चित अभिनेत्री हुन्। तर, उनको वास्तविक नाम आलिया आडवाणी हो। उनले एक च्याट शोमा खुलासा गरेकी थिइन् कि सलमान खानको सल्लाहमा उनले नाम परिवर्तन गरेकी हुन्। सलमानको तर्क थियो – बलिउडमा एउटै नाम भएका दुई अभिनेत्रीहरू (आलिया भट्ट र उनी) हुँदा भ्रम उत्पन्न हुन्छ।
कार्तिक आर्यन – कार्तिक तिवारी
‘प्यार का पंचनामा’ फेम अभिनेता कार्तिक आर्यनको वास्तविक नाम कार्तिक तिवारी हो। उनले ‘तिवारी’ थरलाई हटाएर ‘आर्यन’ थपे, किनभने उनले यो नाम शोबिज संसारका लागि उपयुक्त ठाने।
क्याटरिना कैफ – क्याटरिना टरकोटे
बृटिश मूलकी अभिनेत्री क्याटरिनाको वास्तविक थर टरकोटे हो, जुन उनकी आमाको थर हो। तर बलिउडमा प्रवेश गर्दा उनले आफ्ना बुबाको थर कैफ अपनाइन् – र आज सोही नामले घर-घरमा परिचित छिन्।
रजनीकान्त – शिवाजी राव गायकवाड
साउथ फिल्मका ‘थलाइवा’ रजनीकान्तको वास्तविक नाम शिवाजी राव गायकवाड हो। अभिनयमा करिअर सुरु गर्दा निर्देशकले उनलाई नयाँ नाम राखिदिए – र यही नाम अब साउथदेखि विश्वभर चिनिन्छ।
शिल्पा शेट्टी – अश्विनी शेट्टी
ब्युटी आइकन शिल्पा शेट्टीको वास्तविक नाम अश्विनी शेट्टी थियो। रिपोर्टअनुसार, एक ज्योतिषीले शिल्पा नामले भाग्य साथ दिने बताएपछि उनकी आमाले यो नाम परिवर्तन गराइदिएकी थिइन्।
जोन अब्राहम – फरहान इब्राहिम
फिटनेस आइकन जोन अब्राहमको वास्तविक नाम फरहान इब्राहिम हो। उनको बुबाले उनलाई सधैं ‘जोन’ भनेर बोलाउँथे, र यही नामले पछि उनको स्टेज नामको रूपमा स्थान पायो।
अमिताभ बच्चन – इन्कलाब श्रीवास्तव
बलिउडका शहेनशाह अमिताभ बच्चनको नाम पहिले इन्कलाब श्रीवास्तव थियो। उनका पिता हरिवंश राय बच्चनले ‘इन्कलाब जिन्दाबाद’ नारा सुनेपछि यो नाम राखेका थिए। पछि ‘अमिताभ’ नामसँगै उनले इतिहास रचे।
शाहरुख खान – अब्दुल रशिद खान (बाल्यकालीन नाम)
‘किंग खान’का रूपमा चिनिने शाहरुख खानलाई बाल्यकालमा उनका हजुरबाजुले अब्दुल रशिद खान नाम राखेका थिए। तर जब उनी आफ्ना आमाबाबुसँग बसे, उनले आफ्नो नाम परिवर्तन गरेर शाहरुख खान राखे – जुन अहिले बलिउडकै सबैभन्दा ठूला नामहरूमा पर्छ।
अक्षय कुमार – राजीव हरिओम भाटिया
बलिउडका ‘खिलाडी’ अक्षय कुमारको वास्तविक नाम हो – राजीव हरिओम भाटिया। डेब्यु फिल्मपछि उनले आफ्नो नाम परिवर्तन गरे, र अहिले उनी अक्षय कुमारका रूपमा विश्वभर प्रसिद्ध छन्।
सलमान खान – अब्दुल रशिद सलीम सलमान खान
बलिउडका ‘भाईजान’ सलमान खानको पूरा नाम अब्दुल रशिद सलीम सलमान खान हो। उनले करिअरको सुरुवातमै आफ्नो नाम छोट्याएर सलमान खान राखे, जुन नाम आज ब्रान्ड बनेको छ।
स्टारडम कहिलेकाहीँ नामबाट सुरु हुन्छ। यी सबै सेलिब्रेटीहरूले आफ्ना नामहरूलाई पहिचानको प्रतीक बनाएका छन् – चाहे त्यो परिवर्तन गरिएका नाम हुन् वा वास्तविक।
नाम परिवर्तनले सफलताको ग्यारेन्टी नदिए पनि, त्यसले पहिचान निर्माणमा ठूलो भूमिका खेल्ने बलिउडले देखाएको छ।
यो खबर पढेर तपाईलाई कस्तो महसुस भयो ?
प्रतिक्रिया